పుష్ప 2 షూటింగ్ ను సైలెంట్ గా మొదలు పెట్టేశాడు సుకుమార్. ఈ సినిమా స్క్రిప్ట్ కోసమే ఏడాది పైన తీసుకున్న సుకుమార్ ఇప్పుడు శరవేగంగా షూటింగ్ చేస్తున్నాడు. ప్రస్తుతం ఈ సినిమా రామోజీ ఫిలిమ్ సిటీలో జరుగుతుంది. తర్వాత హైదరాబాద్ సిటీలో కొన్ని సీన్స్ తీయాల్సి ఉంది. ఎక్కువ బ్రేకులు లేకుండా ఎలాంటి అప్ డేట్స్ బయటికి ఇవ్వకుండా ఈ సీక్వెల్ ను రెడీ చేస్తున్నాడు సుక్కు.
అయితే పుష్ప 2 కి సంబంధించి అవతార్ 2 రిలీజ్ టైమ్ లో ఓ టీజర్ అనుకున్నారు. దాని కోసం స్పెషల్ టీం వర్క్ చేశారు. సుకుమార్ కూడా దానిపై కసరత్తు చేశారు. కానీ వర్క్ అనుకున్నంత ఫాస్ట్ గా రాకపోవడంతో లోలోపల వాయిదా వేసుకున్నారు. ఆ తర్వాత టీజర్ లోని ఓ డైలాగ్ లీక్ అవ్వడంతో ఇక గ్లిమ్స్ విషయాన్ని వదిలేశారు.
ప్రస్తుతం బన్నీ ఫ్యాన్స్ ‘పుష్ప ది రూల్’ టీజర్ కోసం ఎంతో ఆతృతగా ఎదురుచూస్తున్నారు. ఇప్పుడు సుకుమార్ అండ్ టీం కూడా అదే పనిలో ఉన్నట్టు తెలుస్తుంది. ఓ వైపు ఘాట్ చేస్తూనే మరో వైపు టీజర్ కట్ పై వర్క్ చేస్తున్నారని సమాచారం. సుక్కు సినిమా స్టైల్ లోనే ఈ టీజర్ ను కూడా మెల్లగా అణువణువు చెక్కుతున్నాడట. అతి త్వరలోనే టీజర్ గురించి ఓ అప్ డేట్ ఇచ్చే ఆలోచనలో ఉన్నారు మేకర్స్. మరి సుక్కు బన్నీ ఫ్యాన్స్ ను ఎక్కువ విసిగించకుండా స్పీడుగా టీజర్ వదిలితే బెటర్.
ఇవి కూడా చదవండి..
