అక్షయ్ కుమార్ ఈ మద్య కాలంలో చేసిన సినిమాలన్ని హిటే. అయితే తాజాగా ఒక వైవిధ్యమైన సినిమాలో నటించాడు అదే ”టాయిలెట్.. ఏక్ ప్రేమ్ కథ”. ఈ సినిమాలో అక్షయ్ కుమార్ హీరోగా భూమి పెద్నేకర్ హీరోయిన్ గా నటిస్తున్నారు. శ్రీనారాయణ సింగ్ అనే దర్శకుడు ఈ సినిమాను రూపొందించాడు.’టాయ్ లెట్: ఏక్ ప్రేమ్ కథ’ స్వాతంత్ర్య దినోత్సవం సందర్భంగా విడుదల కావాల్సి ఉంది.
అయితే ఈ సినిమా విడుదలకు ముందే లీక్ కావడంతో సినిమా యూనిట్ సభ్యులు షాక్ కు గురయ్యారు. సినిమాకు సంబంధించిన సెకండ్ హాఫ్ మొత్తం లీక్ అయింది. ఈ విషయాన్ని దర్శకుడు రెమో డిసౌజా ధ్రువీకరించాడు. అక్షయ్ కుమార్, భూమి పద్నేకర్ లు నటించిన ఈ సినిమాలో… ప్రతి ఇంట్లో మరుగుదొడ్డి అవసరమనే సందేశాన్ని ఓ ప్రేమ కథ ద్వారా తెలియజెప్పే ప్రయత్నం చేశారు. ఈ సినిమా పట్ల ప్రధాని మోదీ కూడా అభినందనలు తెలియజేశారు. ఏదేమైనప్పటికీ విడుదలకు ముందే సినిమా లీక్ కావడం దర్శకనిర్మాతలకు టెన్షన్ పుట్టిస్తోంది.
