విక్రమ్ కుమార్ దర్శకత్వంలో అఖిల్ రెండవ సినిమా రూపొందుతోంది. ఇప్పటికే ఈ సినిమా షూటింగ్ చాలావరకూ పూర్తయింది. ఈ నేపథ్యంలో ఈ సినిమా నుంచి ఫస్టు లుక్ బయటికి వచ్చింది. ఒక వైపున విలన్ గ్యాంగ్ ను ఉతికి ఆరేస్తూనే .. మరో వైపున హీరోయిన్ తో కూల్ గా రొమాన్స్ చేస్తోన్న అఖిల్ లుక్ యూత్ కి తెగ నచ్చేసింది. అయితే ఈ సినిమా టైటిల్ ఏమిటనేది మాత్రం రివీల్ చేయలేదు.
రొమాంటిక్ లవ్ స్టోరీగా రూపొందుతున్న ఈ చిత్రంలో సీనియర్ డైరెక్టర్ ప్రియదర్శన్ కూతురు కళ్యాణి ప్రియదర్శన్ హీరోయిన్ గా నటిస్తోంది. ఇక ఈ సినిమాకి పలు టైటిల్స్ పరిశీలనలోకి వ‌చ్చాయి. అభిమానులు అనేక ఊహాగానాలు చేస్తున్నారు. ఈ క్ర‌మంలో నాగ్ త‌న ట్విట్ట‌ర్ లో నిర్ణ‌యం సినిమాలోని హలో గురు ప్రేమ కోస‌మే అనే వీడియో సాంగ్ నాలుగు లైన్ల లిరిక్స్ ని షేర్ చేసి ఇందులోనే టైటిల్ ఉంద‌ని చిన్న హింట్ ఇచ్చాడు.
ఇక ‘హలో’ అనే టైటిల్ ను ఈ సినిమా కోసం రిజిస్టర్ చేయించారనే టాక్ కూడా వినిపించింది. తాజాగా అదే అనే టిటైల్‌ను ఖరారు చేసి పోస్టర్‌ను అభిమానులతో పంచుకుంది చిత్ర బృందం. ఈ సినిమా డిసెంబ‌ర్ 22న విడుద‌ల కానున్న‌ట్టు నాగ్ ఇటీవ‌ల త‌న ట్విట్ట‌ర్ ద్వారా తెలియ‌జేశాడు.
#HELLO! it is 🙂 hope you guys like it! Thank you to all my friends who said hello in the video. Good guessing to those who guessed right👏🏻 pic.twitter.com/A7BapI9t3R
— Akhil Akkineni (@AkhilAkkineni8) August 21, 2017
