నందమూరి బాలకృష్ణ నటించిన ‘అఖండ 2: తాండవం’ సినిమా 2025 డిసెంబర్ 12న థియేటర్లలో విడుదలై, ప్రేక్షకులలో ఒక వర్గం నుంచి మంచి స్పందన పొందింది. బోయపాటి శ్రీను దర్శకత్వం వహించిన ఈ చిత్రంలో సమ్యుక్త హీరోయిన్గా నటించింది.
పాన్–ఇండియా యాక్షన్ డ్రామాగా రూపొందిన ఈ చిత్రం ఇప్పుడు ఓటీటీ వేదికపైకి వచ్చింది. నెట్ఫ్లిక్స్లో తెలుగు, హిందీ, తమిళ్, కన్నడ, మలయాళం భాషల్లో స్ట్రీమింగ్ ప్రారంభమైంది. థియేటర్లలో వచ్చిన స్పందనకు భిన్నంగా, ఓటీటీలో ఈ సినిమా ఎలాంటి ఆదరణ పొందుతుందో అన్నది ఆసక్తిగా మారింది.
బాలకృష్ణతో పాటు ఈ చిత్రంలో ఆది పినిశెట్టి, కబీర్ దుహన్ సింగ్, హర్షాలీ మల్హోత్రా, శశ్వత చటర్జీ తదితరులు కీలక పాత్రల్లో నటించారు. రామ్ అచంట, గోపీ అచంట ఈ చిత్రాన్ని నిర్మించగా, సంగీతాన్ని థమన్ అందించారు. భారీ యాక్షన్ సన్నివేశాలు, బాలకృష్ణ పవర్ఫుల్ పెర్ఫార్మెన్స్తో రూపొందిన ‘అఖండ 2’ ఓటీటీ ప్రేక్షకులను ఎంతవరకు ఆకట్టుకుంటుందో చూడాలి.
Also Read:అగ్రికల్చర్ యూనివర్సిటీలో ప్రశ్నాపత్రం లీక్!