కోలీవుడ్‌లో హీరో అజిత్‌కు మంచి ఫాన్‌ ఫాలోయింగ్‌ ఉన్న విషయం తెలిసిందే. అంతేకాదు తెలుగులోనూ ఆయన అభిమానుల సంఖ్య భారీగానే ఉంటుంది. అయితే ఆయన తాజా ఒ చిత్రంలో నటించడానికి సన్నాహాలు చేసుకుంటున్నాడట. అంతేకాదు అజిత్ నటించబోయే ఈ చిత్రానికి ‘విశ్వాసం’ అనే టైటిల్‌ కూడా ఫిక్స్‌ చేశారని సమాచారం. ఈ మూవీ త్వరలో సెట్స్ పైకి వెళ్లడానికి సిద్ధమవుతోంది.
గతంలో ‘వీరమ్’ .. ‘వేదాళం’ .. ‘వివేకం’ సినిమాలతో అజిత్ కి హిట్స్ ఇచ్చిన దర్శకుడు శివ .. ‘విశ్వాసం’ సినిమాకి కూడా దర్శకత్వం వహిస్తున్నాడు. ఈ సినిమా ఫస్టు షెడ్యూల్‌ను హైదరాబాద్ రామోజీ ఫిల్మ్ సిటీలో ప్లాన్ చేశారు. ఈ నెల 23వ తేదీ నుంచి షూటింగ్ మొదలుకానుంది. ఒక పాట చిత్రీకరణతో ఈ షెడ్యూల్ ను మొదలుపెట్టనున్నారు. ఆ తరువాత ఏప్రిల్ రెండవ వారం నుంచి కొన్ని కీలకమైన సన్నివేశాలను చిత్రీకరించనున్నారు.
తదుపరి షెడ్యూ ల్స్ ను చెన్నై .. ముంబైలలో ప్లాన్ చేశారు. ఆల్రెడీ హ్యాట్రిక్ హిట్ కొట్టిన కాంబినేషన్‌లో రూపొందుతోన్న సినిమా కావడంతో, ఈ సినిమాపై అటు కోలీవుడ్‌లో ఇటు టాలీవుడ్‌లోనూ భారీ అంచనాలే వున్నాయి. ఈ మూవీకి యువన్‌ శంకర్‌రాజా సంగీతాన్ని అందించనున్నాడు.
