బాహుబ‌లి తర్వాత ప్రభాస్ ఇమెజ్‌ అంత‌ర్జాతీయ స్థాయిలో గుర్తింపు తెచ్చుకున్నాడు. కానీ సాహో రాధేశ్యామ్ తో బాక్సాఫీస్‌ దగ్గర కనీసం కలెక్షన్‌లు కూడా సంపాదించలేకపోయి..తన కెరీర్‌లో ఫేయిల్యూర్స్‌ సాధించారు. అయిన ఏమాత్రం ప్రభాస్ క్రేజ్ మాత్రం కొంచెం కూడా త‌గ్గ‌లేదు. ప్రభాస్ ప్ర‌స్తుతం నాలుగు సినిమాల‌ను సెట్స్‌పై ఉంచాడు. అందులో ఆదిపురుష్ ఒక‌టి. త‌న్హాజీ ఫేం ఓం రౌత్ ఈ చిత్రానికి ద‌ర్శ‌క‌త్వం వ‌హిస్తున్నాడు. షూటింగ్ పూర్తి చేసుకున్న ఈ చిత్రం ప్ర‌స్తుతం పోస్ట్ ప్రొడ‌క్ష‌న్ ప‌నుల‌లో బిజీగా ఉంది.
రామ‌య‌ణ క‌థ‌ను బేస్ చేసుకొని తెర‌కెక్కిన ఈ చిత్రం వ‌చ్చే ఏడాది సంక్రాంతి కానుక‌గా జ‌న‌వ‌రి 12న ఈ చిత్రం విడుద‌ల కానుంది. ఇప్ప‌టివ‌ర‌కు మేక‌ర్స్ ఎలాంటి పోస్ట‌ర్‌లు గాని, అప్‌డేట్‌లు గాని ఇవ్వ‌క‌పోయిన.. ప్రేక్ష‌కుల‌తో పాటు సినీ ప్ర‌ముఖుల్లో కూడా ఈ సినిమాపై భారీ అంచ‌నాలు నెల‌కొన్నాయి. కాగా ఈ సినిమా థియేట్రికల్ హ‌క్కులను ప్రముఖ నిర్మాణ సంస్థ యూవీ క్రియేష‌న్స్ ద‌క్కించుకుంద‌ట. ఆదిపురుష్ హ‌క్కులను భారీ మొత్తంలోనే కొనుగోలు చేసింద‌ట. రాధేశ్యామ్ లాస్‌ను ఈ చిత్రం క‌వ‌ర్ చేస్తుంద‌ని యూవీ క్రియేష‌న్స్ నిర్వాహాకులు ధీమాను వ్య‌క్తం చేస్తున్నారు.
ఈ చిత్రంలో ప్రభాస్ రాముడి పాత్ర‌లో న‌టించ‌గా, కృతి స‌నన్ సీత పాత్ర‌లో న‌టించింది. బాలీవుడ్ స్టార్ సైఫ్ అలీఖాన్ ప్ర‌తినాయ‌కుడి పాత్ర‌లో న‌టిస్తున్నారు. ఇక సెప్టెంబ‌ర్ చివ‌రి వారంలో ప్రభాస్ ఫ‌స్ట్‌లుక్ పోస్ట‌ర్‌ను విడుద‌లయ్యే అవ‌కాశం ఉంది. ఈ చిత్రాన్ని మేక‌ర్స్ ప్ర‌పంచ‌వ్యాప్తంగా దాదాపు 15 భాష‌ల్లో విడుద‌ల చేయాల‌ని ప్లాన్ చేస్తున్నార‌ట.
