ఆదిపురుష్‌ టీజర్‌ డేట్‌ వచ్చేసింది ఎప్పుడంటే…

డార్లింగ్‌ అభిమానులు ఏంతగానో ఎదురుచూస్తున్న ఆదిపురుష్‌ టీజర్‌ను విడుదల చేస్తామని  చిత్రబృందం ప్రకటించింది. ఓం రౌత్‌ దర్శకత్వం వహించిన ఈ సినిమా షూటింగ్‌ పూర్తి చేసుకుని పోస్ట్‌ ప్రొడక్షన్‌ పనులలో బిజీగా ఉంది. అయితే ఈ ప్రకటనలో ఆదిపురుష్‌ ఫస్ట్‌లుక్‌తో పాటు టీజర్‌ను అక్టోబర్‌ 2న అయోధ్యలో విడుదల చేయనున్నట్లు అధికారికంగా తెలిపారు. ఇక ఈ వార్తతో ప్రభాస్‌ అభిమానులు సంబురాలు చేసుకుంటున్నారు.

ఆదిపురుష్‌ చిత్రాన్ని టీ-సిరీస్‌, రెట్రో ఫైల్స్ సంస్థ‌లు సంయుక్తంగా నిర్మించాయి. దాదాపు 500కోట్ల భారీ బ‌డ్జెట్‌తో తెర‌కెక్కిన ఈ చిత్రం వ‌చ్చే ఏడాది సంక్రాంతి కానుక‌గా జ‌న‌వరి 12న విడుద‌ల కానుంది. ఇక ఇప్ప‌టికే ఈ చిత్రానికి సంబంధించిన తెలుగు థియేట్రిక‌ల్ హ‌క్కుల‌ను యూవీ క్రియేష‌న్స్ భారీ ధ‌ర‌కు కొనుగోలు చేసిన విష‌యం తెలిసిందే.