ప్యాన్ ఇండియా స్టార్‌ ప్రభాస్ కథానాయకుడిగా బాలీవుడ్‌ దర్శకుడు ఓం రౌత్‌ దర్శకత్వంలో రూపొందుతున్న చిత్రం ‘ఆదిపురుష్‌’. ఈ సినిమా రామాయణం కథాంశంతో రూపొంద‌నుంది. చిత్రంలో ప్రభాస్ రాముడిగా క‌నిపించ‌నుండ‌గా, సైఫ్ అలీ ఖాన్ రావణాసురుడి పాత్ర‌లో మెర‌వ‌నున్నారు. ఈ సినిమా మోషన్‌ క్యాప్చర్‌ టెక్నాలజీ వర్క్‌ను ఈరోజు నుండి చిత్ర యూనిట్‌ ప్రారంభించింది. 3డీలో తెరకెక్కబోతున్న ఈ మూవీలో గ్రాఫిక్స్ భారీ రేంజ్‌లో ఉండనున్నాయి. ఈ క్రమంలో గ్రాఫిక్స్ కోసమే నిర్మాతలు 150 నుంచి 200 కోట్లు ఖర్చు పెట్టబోతున్నట్లు తెలుస్తోంది. 2022 ఆగష్టు 11న ఈ చిత్రం ప్రేక్షకుల ముందుకు రానున్న ఈ సినిమాకు సంబంధించి తాజాగా క్రేజీ అప్‌డేట్ ఇచ్చారు.
ఇంట‌ర్నేష‌న‌ల్ స్తాయిలో సినిమాని చిత్రీక‌రించేందుకు ఓం అత‌ని టీం పని చేస్తున్నార‌ని, ఈ సినిమాతో ఇండియన్ సినిమా స్థాయి మ‌రింత పెరుగుతుంద‌ని స్ప‌ష్టం చేశారు. ఫిబ్ర‌వరి 2 నుండి ఈ చిత్ర షూటింగ్ ప్రారంభం కానుంది. టీ సిరీస్‌ బ్యానర్‌ భూషణ్‌ కుమార్‌, కృషన్‌ కుమార్‌లతో పాటు ఓంరావుత్‌, ప్రసాద్‌ సుతార్‌, రాజేష్‌ నాయర్‌ ఈ చిత్రాన్ని నిర్మిస్తున్నారు. ప్రస్తుతం ప్రభాస్ ‘రాధేశ్యామ్‌’ చిత్రీకరణను పూర్తి చేస్తున్నాడు. మరో వైపు ‘సలార్‌’ రెగ్యులర్‌ షూటింగ్ ప్రారంభం అవుతుంది.
