పాన్ ఇండియా స్టార్ ప్రభాస్ రాముడిగా నటించిన సినిమా ‘ఆదిపురుష్’. ఈ సినిమా జూన్ 16న థియేటర్లలో సందడి చేయనుంది. తాజాగా ఆదిపురుష్ డిజిటల్ స్ట్రీమింగ్ పార్ట్‌నర్ ఫిక్స్ అయిందట. అమెజాన్ ఈ డిజిటల్ హక్కులను దక్కించుకున్నట్లు తెలుస్తోంది. ఆదిపురుష్ శాటిలైట్, డిజిటల్ రైట్స్ అన్ని భాషలూ కలిపి దాదాపు రూ.250 కోట్లకు అమ్మేసినట్టు టాక్ వినిపిస్తోంది. ఇక ఆదిపురుష్ ప్రీ రిలీజ్ ఈవెంట్ కోసం ప్రభాస్ ఫ్యాన్స్ ఎదురు చూస్తున్నారు. ఈ వేడుకలకు ఏపీలోని తిరుపతి వేదికగా జరగనుంది. దాదాపు రెండు కోట్ల ఖర్చుతో ఈ ప్రీ రిలీజ్ ఈవెంట్ జరుగుతున్నట్లు తెలుస్తుంది.
ఐతే, ఈ వేడుకకు ఎవరు గెస్ట్ వస్తారనే ఉత్కంఠ ఉండేది. తాజాగా ఆదిపురుష్ ప్రీ రిలీజ్ ఈవెంట్ కు చినజీయర్ స్వామి గెస్ట్ గా రానున్నట్లు మేకర్స్ వెల్లడించారు. ఆయన సినిమాకు సంబంధించిన వేడుకకు రావడం ఇదే తొలిసారి. అందుకే, ఆదిపురుష్ ప్రీ రిలీజ్ ఈవెంట్ ఇప్పుడు ప్రత్యేక ఆకర్షణగా నిలవనుంది. కాగా, జూన్ 16న ప్రపంచవ్యాప్తంగా విడుదల కానున్న ఆదిపురుష్ చిత్రాన్ని ఒకే స‌మ‌యంలో 15 దేశీయ, అంత‌ర్జాతీయ భాష‌ల్లో విడుదల చేయ‌బోతున్నారు. గ్రాఫిక్స్ కి అత్యంత ప్రాధాన్యత వున్న ఈ మూవీని మోషన్ కాప్చర్ విధానంలో షూట్ చేస్తున్నారు. అనంతరం నటీనటుల కదలికలు, హావభావాలు రికార్డు చేసి, వాటికి సాంకేతికత సాయంతో మిగిలిన హంగులను జోడిస్తారు.
Also Read:వైభవంగా శర్వానంద్ – రక్షిత వివాహం
ఈ మోషన్ కాప్చర్ విధానం ద్వారా సినిమా చూడడానికి బాగా ఆసక్తికరంగా ఉంటుంది. ఈ హై-బడ్జెట్ చిత్రాన్ని దాదాపు 300 కోట్ల బడ్జెట్ తో తీసినట్లు తెలస్తోంది. ఆదిపురుష్ లో ప్రభాస్ శ్రీరాముడిగా నటిస్తోన్నాడు అనగానే అందరిలోనూ ఆసక్తి రెట్టింపు అయింది. ఈ సినిమాలో ప్రభాస్ కి కృతిసనన్ జోడీగా నటిస్తోంది. ఇక రావణాసురుడిగా సైఫ్ అలీఖాన్ నటిస్తున్నారు. మరి ఈ సినిమా ఏ రేంజ్ హిట్ ను సాధిస్తోందో చూడాలి.
Also Read:సెల్యూట్‌ టూ రావి నారాయణరెడ్డి
