హర్రర్‌ సినిమాలతో ప్రేక్షకులను భయపెట్టే ప్రయత్నాలు చెయ్యడం సినీ దర్శకులకు మామూలే. ఇప్పుడు అదే ట్రెండ్‌ ని హీరోయిన్స్ కూడా ఫాలో అయిపోతున్నారు. ఎంటర్టైన్‌మెంట్‌ సినిమాలు, కామెడీ ట్రాక్ లతో పాటు ఫ్యామిలీ ఎంటర్టైనర్‌ సినిమాలతో పాపులర్‌ అయిన హీరోయిన్స్ చాలామందే ఉన్నారు. అలాంటి వారు కూడా ఇప్పుడు హర్రర్‌ సినిమాలనే ఎంచుకుంటున్నారు.
ఇక ఇటీవలి కాలంలో సినీఇండస్ట్రీకి పరిచమవడానికి వస్తున్న కొత్త హీరోయిన్స్, గ్లామర్‌ రోల్స్‌ తో పాటు హర్రర్‌ కామెడి సినిమాలకు కూడా గ్రీన్‌ సిగ్నల్ ఇచ్చేస్తూ వారి అదృష్టాన్ని పరీక్షించుకుంటున్నారు. అయితే ఇప్పడు హర్రర్‌ సినిమాలే ట్రెండ్‌ గా మారాయని అనుకుంటున్నారో ఏమో.. సినిమాలకు బ్రేక్‌ ఇచ్చిన హీరోయిన్స్ కూడా హర్రర్‌ సినిమాలతోనే మళ్ళీ రీ ఎంట్రీ ఇస్తున్నారు. అలా ఇప్పుడు రీ ఎంట్రీ ఇస్తున్న హీరోయినే రాశి. ఒకప్పుడు టాప్ హీరోయిన్ గా రాణించిన రాశీ.. ఆ తర్వాత హీరోయిన్ గా అవకాశాలు తగ్గడంతో పెళ్లి చేసుకొని కొంత కాలం సినిమాలకు దూరమైంది. అయితే ఇప్పుడు మళ్ళీ రాశీ రీ ఎంట్రీ ఇస్తోంది.
ఓ హారర్ సినిమాలో లీడ్ రోల్ చేస్తోంది రాశి. ఆ సినిమా పేరే ‘లంక’. శ్రీ‌ముని ఈ చిత్రానికి ద‌ర్శ‌కత్వం వహిస్తున్నాడు. ఈ సినిమాకి దినేష్ న‌మ‌న, విష్ణు కుమార్ న‌మ‌న నిర్మాత‌లు. ఈ హర్రర్‌ సినిమాలో రాశిదే మెయిన్ లీడ్ అట. అయితే హారర్ ఈ సినిమాల్లో ‘లంక’ ఓ కొత్త ప్ర‌య‌త్నమ‌ని చిత్ర యూనిట్ చెబుతోంది. మరి రాశి ఈ ఇలాంటి టైపు సినిమాలో ప్రేక్షకులను ఏ మేరకు భయపెడుతుందో చూడాలి.
