గ్రీన్ ఛాలెంజ్‌లో మొక్కలు నాటిన నటి ప్రియాంక..

రాజ్యసభ సభ్యులు జోగినిపల్లి సంతోష్ కుమార్ ప్రారంభించిన గ్రీన్ ఇండియా ఛాలెంజ్‌లో భాగంగా యాంకర్ రాధా ఇచ్చిన ఛాలెంజ్‌ను స్వీకరించిన బుల్లితెర నటి ప్రియాంక (బంగారు కోడలు సీరియల్) నేడు మోతి నగర్‌లో మొక్కలు నాటారు. ఈ సందర్భంగా ప్రియాంక మాట్లాడుతూ.. ఆక్సిజన్ అనేది మన మానవ మనుగడకు ఎంతో ముఖ్యమని అలాంటి ఆక్సిజన్ ఇచ్చే మొక్కలను పెంచే బాధ్యత మనందరిపై ఉందన్నారు.

భారతదేశం గ్రీన్‌గా మారాలని హరిత తెలంగాణ కావాలనే ఉద్దేశంతో రాజ్యసభ సభ్యులు సంతోష్ ప్రారంభించారు. ఈ కార్యక్రమంలో అద్భుతంగా ముందుకు పోతుందని.. ఇంత మంచి కార్యక్రమం చేపట్టిన సంతోష్ గారికి కృతజ్ఞతలు తెలియజేశారు. ఈ సందర్భంగా తన సహచర నటులు అనిక, అనుశ్రీ, సంయుక్తలను గ్రీన్ ఇండియా చాలెంజ్ స్వీకరించి మొక్కలు నాటాలని కోరారు.