నటుడు ముకుందన్‌పై పోలీస్ కేసు

నటుడు ఉన్ని ముకుందన్‌పై పోలీస్ కేసు నమోదైంది. ఆయన మేనేజర్ విపిన్ కుమార్‌ను మే 26న కక్కనాడ్‌లోని ఒక నివాస సముదాయం లో బేస్‌మెంట్ పార్కింగ్ ఏరియాలో దాడి చేసిన ఘటనలో పోలీసులు కేసు నమోదు చేశారు.

విపిన్ ఇచ్చిన ఫిర్యాదు ఆధారంగా ఇన్ఫోపార్క్ పోలీస్ స్టేషన్‌లో ఎఫ్ఐఆర్ నమోదు చేశారు. మరో నటుడిని ప్రశంసిస్తూ సామాజిక మాధ్యమాల్లో పెట్టిన పోస్టు విషయంలో గొడవ తలెత్తడంతో ఉన్ని దాడికి పాల్పడ్డాడని విపిన్ ఆరోపించాడు.

విపిన్ తన ఫిర్యాదులో ఉన్ని తనను చెంపదెబ్బకొట్టినట్టు, షర్టు చింపేశాడని, కళ్లద్దాలు పగలగొట్టాడని పేర్కొన్నాడు. ఉన్ని మీద బీఎన్‌ఎస్ (భారతీయ న్యాయ సాంకేతిక నిబంధనల) కింద అనేక సెక్షన్లతో కేసు నమోదు చేశారు. ఈ కేసు దర్యాప్తును సబ్‌ఇన్‌స్పెక్టర్ రఫీక్ ఎన్.ఐ నేతృత్వంలో పోలీసులు ప్రారంభించారు.

Also Read:మహారాష్ట్రలో భారీ వర్షాలు..5గురు మృతి