గ్రీన్ ఛాలెంజ్‌లో మొక్కలు నాటిన నటుడు సుమన్..

రాజ్యసభ సభ్యులు జోగినిపల్లి సంతోష్ కుమార్ చేపట్టిన గ్రీన్ ఇండియా ఛాలెంజ్ కార్యక్రమంలో భాగంగా ఈరోజు కరీంనగర్ జిల్లా అంబేడ్కర్ స్టేడియం అవరణలో టాలీవుడ్ విలక్షణ నటుడు సుమన్ మొక్కలు నాటారు. ఈ సందర్భంగా ఆయన మాట్లాడుతూ.. ప్రకృతి పరిరక్షణ కోసం రాజ్యసభ సభ్యులు జోగినిపల్లి సంతోష్ కుమార్ గ్రీన్ ఇండియా ఛాలెంజ్ అనే ఒక అద్భుతమైన కార్యక్రమాన్ని చేపట్టి ముందు తీసుకపోవడం జరుగుతుందని అన్నారు.

ఒక మంచి కార్యక్రమం చేయాలనే ఉద్దేశ్యంతో ఈరోజు గ్రీన్ ఇండియా ఛాలెంజ్‌లో భాగంగా మొక్కలు నాటడం జరిగింది అని సుమన్‌ తెలిపారు. భవిష్యత్‌లో మా అభిమానులు అందరూ కూడా మొక్కలు నాటి గ్రీన్ ఇండియా ఛాలెంజ్ కార్యక్రమాన్ని ముందుకు తీసుకొని పోవాలని పిలుపునిచ్చారు. ఈ కార్యక్రమంలో బోయిన్పల్లి మండలం జెడ్పీటీసీ ఉమా కొండయ్య, వైస్ ఎంపీపీ నాగయ్య, టిఆర్ఎస్ పార్టీ నాయకులు పాల్గొన్నారు.