 ఇప్పుడు పెను వివాదానికి దారితీసింది.){kind=link}
సంచలనాలకు కేరాఫ్ అడ్రస్గా నిలిచే టాలీవుడ్ సీనియర్ నటుడు అలీ మరోసారి వార్తల్లో నిలిచారు. ఒక ప్రైవేట్ సబ్బు ప్రకటన (Soap Ad) ఇప్పుడు పెను వివాదానికి దారితీసింది. హిందూ సంఘాల ఆగ్రహం, సోషల్ మీడియాలో వెల్లువెత్తిన నిరసనలతో ఈ వ్యవహారం రాజకీయ రంగు పులుముకుంది.
ఇటీవల అలీ నటించిన ఒక సబ్బు ప్రకటన విడుదలైంది. అందులో అలీ సబ్బును పీఠంపై ఉంచి, దానికి లక్ష్మీ పూజ చేస్తున్నట్లు చూపించారు. ఆ సమయంలో బ్యాక్గ్రౌండ్లో లక్ష్మీదేవి పవిత్ర మంత్రాలు వినిపిస్తుండటం వివాదానికి ఆజ్యం పోసింది. నిత్యం భక్తిశ్రద్ధలతో పూజించే దేవతా మంత్రాలను, ఒక సబ్బును ప్రమోట్ చేయడానికి వాడటంపై హిందూ సంఘాలు తీవ్ర అభ్యంతరం వ్యక్తం చేశాయి.
ఈ ప్రకటనపై నెటిజన్లు విరుచుకుపడ్డారు. “హిందూ దేవుళ్లను, మంత్రాలను వ్యాపార ప్రకటనల కోసం అవహేళన చేస్తారా?” అంటూ ప్రశ్నల వర్షం కురిపించారు.అలీని సినిమాల నుంచి, టీవీ షోల నుంచి బాయ్కాట్ (Boycott) చేయాలని డిమాండ్ చేస్తూ హ్యాష్ట్యాగ్లు ట్రెండ్ అయ్యాయి.
హిందూ ధర్మ పరిరక్షణ సమితులు అలీపై చర్యలు తీసుకోవాలని పోలీసులకు ఫిర్యాదు చేసేందుకు సిద్ధమయ్యాయి.వివాదం ముదురుతుండటం, విమర్శలు వెల్లువెత్తడంతో నటుడు అలీ తక్షణమే స్పందించారు. భక్తుల మనోభావాలను దెబ్బతీసే ఉద్దేశం తనకు లేదని స్పష్టం చేస్తూ ఆయన క్షమాపణలు చెప్పారు.
Also Read:సనాతన ధర్మ పరిరక్షకుడు పవన్!
ఎవరి మనోభావాలనైనా గాయపరిచి ఉంటే నన్ను క్షమించండి. నేను అన్ని మతాలను సమానంగా గౌరవిస్తాను. ఈ వివాదం వెనుక నా తప్పేమీ లేదు అని ఆయన వివరణ ఇచ్చారు.