టాలీవుడ్‌ మెగాస్టార్ చిరంజీవి ప్రధాన పాత్రలో కొరటాల శివ దర్శకత్వంలో తెరకెక్కిన మూవీ ‘ఆచార్య’. కొణిదెల ప్రొడక్షన్ హౌస్, మ్యాట్నీ ఎంటర్ టైన్ మెంట్స్ సంయుక్త నిర్మాణంలో రూపొందిన ఈ సినిమా ఈ నెల 29న ప్రపంచ వ్యాప్తంగా థియేటర్స్ లో విడుదల కానుంది.
ఇక సినిమా ప్రమోషన్స్‌లో భాగంగా ఈ నెల 24న ప్రీ రిలీజ్ ఈవెంట్ నిర్వహించేందుకు మేకర్స్ సన్నాహాలు చేస్తున్నారు. యూసఫ్ గూడా పోలీస్ గ్రౌండ్స్ లో ఈ వేడుకను ప్లాన్ చేస్తుండగా త్వరలోనే ఇందుకు సంబంధించిన అధికారిక ప్రకటన వెలువడనుంది.
నిరంజన్ రెడ్డి – చరణ్ కలిసి ఈ సినిమాను భారీ బడ్జెట్ తో నిర్మిస్తుండగా చిరంజీవి సరసన నాయికగా కాజల్ నటించగా, చరణ్ జోడీగా పూజ హెగ్డే అందాల సందడి చేయనుంది. ఈ సినిమాలో అవినీతిపరుల ఆటకట్టించడం కోసం పోరాటం చేసే వీరులుగా చిరంజీవి – చరణ్ కనిపించనున్నారు. సంగీత,అనసూయ ముఖ్యమైన పాత్రలను పోషిస్తుండగా రెజీనా స్పెషల్ సాంగ్ హైలైట్ గా నిలవనుంది.
