IPL:అభిషేక్‌దే ఆరెంజ్ క్యాప్

హైదరాబాద్‌లో ఢిల్లీ క్యాపిటల్స్‌తో జరిగిన మ్యాచ్‌లో అభిషేక్ శర్మ 135 పరుగులతో (నాటౌట్) విశ్వరూపం ప్రదర్శించి ఆరెంజ్ క్యాప్‌ను కైవసం చేసుకున్నారు. మరోవైపు, బౌలింగ్‌లో ఈషన్ మలింగ నాలుగు వికెట్లతో మెరిసి పర్పుల్ క్యాప్ రేసులో రెండో స్థానానికి చేరుకున్నారు. ప్రస్తుతం ఆయన అన్షుల్ కాంబోజ్ కంటే కేవలం ఒక వికెట్ మాత్రమే వెనుకంజలో ఉన్నారు.

ఢిల్లీ క్యాపిటల్స్‌పై కేవలం 68 బంతుల్లోనే 135 పరుగులు చేసిన అభిషేక్ శర్మ, ఏకంగా 15 స్థానాలను ఎగబాకి అగ్రస్థానానికి చేరుకున్నారు. ఈ టోర్నమెంట్‌లో అభిషేక్ మొత్తం 323 పరుగులు చేయగా 1 సెంచరీ, 2 హాఫ్ సెంచరీలు ఉన్నాయి. అభిషేక్ తన సహచర ఆటగాడు హెన్రిచ్ క్లాసెన్ (320 పరుగులు) కంటే 3 పరుగులు ఎక్కువగా చేసి అగ్రస్థానంలో నిలిచారు. క్లాసెన్ కూడా ఢిల్లీపై 13 బంతుల్లో 37 పరుగులు చేసి తన జోరును కొనసాగించారు.

ఐపీఎల్ 2026 టాప్ 5 బ్యాటర్లు:

అభిషేక్ శర్మ (SRH): 323 పరుగులు

హెన్రిచ్ క్లాసెన్ (SRH): 320 పరుగులు

శుభ్‌మన్ గిల్ (GT): 265 పరుగులు

విరాట్ కోహ్లీ (RCB): 247 పరుగులు

వైభవ్ సూర్యవంశీ (RR): 246 పరుగులు

ఇషాన్ కిషన్, రజత్ పటిదార్, యశస్వి జైస్వాల్ వంటి వారు ఫామ్‌లో ఉండటంతో రాబోయే రోజుల్లో ఈ జాబితాలో భారీ మార్పులు చోటు చేసుకునే అవకాశం ఉంది.గత మూడు మ్యాచ్‌ల్లోనే 9 వికెట్లు పడగొట్టిన ఈషన్ మలింగ (SRH), పర్పుల్ క్యాప్ రేసులో ప్రకంపనలు సృష్టిస్తున్నారు. 7 మ్యాచ్‌ల్లో 12 వికెట్లతో ఆయన ప్రస్తుతం రెండో స్థానంలో ఉన్నారు.

Also Read:పిల్లలకు మాటలు ఆలస్యమవ్వడం ఆటిజమా?

చెన్నై సూపర్ కింగ్స్ బౌలర్ అన్షుల్ కాంబోజ్ 6 మ్యాచ్‌ల్లో 13 వికెట్లతో ప్రస్తుతం పర్పుల్ క్యాప్ హోల్డర్‌గా ఉన్నారు.గుజరాత్ టైటాన్స్ బౌలర్ ప్రసిద్ధ్ కృష్ణ కూడా 12 వికెట్లతో మలింగతో సమానంగా ఉన్నప్పటికీ, సగటు పరంగా మలింగ ముందంజలో ఉన్నారు.

ఐపీఎల్ 2026 టాప్ 5 బౌలర్లు:

అన్షుల్ కాంబోజ్ (CSK): 13 వికెట్లు

ఈషన్ మలింగ (SRH): 12 వికెట్లు

ప్రసిద్ధ్ కృష్ణ (GT): 12 వికెట్లు

ప్రిన్స్ యాదవ్ (LSG): 11 వికెట్లు

భువనేశ్వర్ కుమార్ (RCB): 10 వికెట్లు

సన్‌రైజర్స్ హైదరాబాద్ ఆటగాళ్లు అటు బ్యాటింగ్ (ఆరెంజ్ క్యాప్), ఇటు బౌలింగ్ (పర్పుల్ క్యాప్) రేసులో టాప్-2లో ఉండటం ఆ జట్టు బలాన్ని చాటిచెబుతోంది.