టాలీవుడు స్టార్ ప్రొడ్యూసర్ దిల్ రాజు నిర్మాణ సారథ్యంలో స్టైలిష్ స్టార్ అల్లు అర్జున్ హీరోగా హరీష్ శంరక్ దర్శకత్వంలో తెరకెక్కిన చిత్రం దువ్వాడ జగన్నాథం (డీజే). ఈ చిత్రంలోని పాటలు ఇప్పటికే విడుదలై సినీ అభిమానులు అలరిస్తున్నాయి. ఈ సంధర్బంగా డీజే ఆడియో రిలీజ్‌ వేడుకను హైదరాబాద్‌లోని శిల్పకళా వేదికలో ఆదివారం రాత్రి ఏర్పాటు చేశారు. ఈ వేడుకలో కొన్ని సరదా సంఘటనలు చోటు చేసుకున్నాయి. ఈ ఆడియో వేడుకకు యాంకర్‌గా సుమ వ్యవహరించింది. సుమను షాక్‌కు గురిచేస్తూ డీజే’ చిత్రంలోని ‘మెచ్చుకో..’ పాటను సుమ విడుదల చేయాలంటూ దర్శకుడు హరీష్ శంకర్‌, నిర్మాత దిల్‌రాజు కోరారు. ఆశ్చర్యపోయిన సుమ.. తొలిసారి ఓ పాటను విడుదల చేయడానికి అవకాశం ఇచ్చిందుకు ధన్యవాదాలంటూ ఆనందపడ్డారు. డీజేలోని పాటను విడుదల చేయడం ద్వారా చరిత్రలో తనకూ కొన్ని పేజీలుంటాయని సుమ అనడంతో వేడుకలో నవ్వులు పూశాయి.
ఇక అల్లు అర్జున్ తన కుమారుడు అయాన్ పెట్టిన ఫోజు చూసి బన్నీ విస్తుపోయాడు. అయాన్ ఓ రాజకీయ నాయకుడి తరహాలో అభిమానులకు అభివాదం చేశాడు. దిల్ రాజు మనవడు ఆర్షాన్ తో కలసి ఆడియోను లాంచ్ చేసిన అయాన్, ఎంతో క్యూట్ గా రెండు చేతులూ ఎత్తి నమస్కరిస్తున్న ఫోటోను అల్లు అర్జున్ తన ట్విట్టర్‌ ఖాతాలో షేర్‌ చేశాడు. కొడుకు జనాలకు అభివాదం చేస్తుంటే విస్మయంగా చూస్తూ ఉండిపోయానని అన్నాడు. అయాన్ తీరు చూసి తాను ఆశ్చర్యపోయానంటూ చెప్పాడు. ఇక మనవడి ఫోజు చూసి అల్లు అరవింద్ నవ్వాపుకోలేక పోయారు. వేదికపై ఇద్దరు మనుమండ్లతో అల్లు అరవింద్ తెగ సందడి చేశారు.
I have to admit this gesture of Ayaan Surprised me 😂😘 pic.twitter.com/7SyE2rqSo2
— Allu Arjun (@alluarjun) June 12, 2017
