పవర్ స్టార్ పవన్ కళ్యాణ్ ఈ పేరు వింటే అభిమానుల్లో ఏవో తెలియని వైబ్రేషన్స్ మొదలవుతాయి. అలా వైబ్రేషన్స్ వచ్చే అభిమానుల్లో యంగ్ హీరో నితిన్ కూడా ఒకరు. పవన్ కళ్యాణ్, నితిన్ కి మంచి స్నేహపూరితమైన సంబంధం ఉంది. తన కేరీర్‌లో ప్రతి విజయం వెనక పవర్‌స్టార్‌ పవన్‌కళ్యాన్‌ ఉంటాడన్ని నితిన్ తన ఆడియో పంక్షన్‌లలో చెప్పుతుంటాడు. తన సొంతం సినిమా ఫంక్షన్లకైనా మిస్ అవుతాడేమో కాని నితిన్ సినిమా ఫంక్షన్ కు పవన్ ఎప్పుడూ మిస్ అవ్వడూ. నితిన్ కూడా తన ప్రతీ సినిమాలో పవన్ ప్రస్థావన తేకుండా అసలు ఉండడు. ఎన్నో వేదికల మీద పవర్ స్టార్ తన అభిమాన హీరో అని ప్రకటించాడు నితిన్. అందుకే నితిన్ సినిమాలకు పవన్ అభిమానులు కూడా అండగా ఉంటూ వస్తున్నారు.
ఇటీవలే త్రివిక్రమ్ దర్శకత్వంలో తెరకెక్కిన అ..ఆ సినిమాతో నితిన్ తన కెరీర్‌లోనే పెద్ద హిట్‌కొట్టాడు. దీని తర్వాత చేయబోయే సినిమాలు కూడా హీరోగా తన స్థాయిని పెంచేవే కావాలన్న ఉద్దేశంతో జాగ్రత్తగా సినిమాలకు ఎంపిక చేసుకుంటున్నాడు.
పవర్ స్టార్ పవన్ కల్యాణ్, మాటల మాంత్రికుడు త్రివిక్రమ్ శ్రీనివాస్, నిర్మాత సుధాకర్ రెడ్డి కలిసి ఓ చిత్రాన్ని నిర్మిస్తున్నారు. యూత్ స్టార్ నితిన్ హీరోగా పవన్ కల్యాణ్ క్రియేటివ్ వర్క్స్ , శ్రేష్ట్ మూవీస్ సంయుక్తంగా ఈ చిత్రాన్ని తెరకెక్కిస్తున్నాయి. తొలిసారి పవన్ కల్యాణ్ తాను కాకుండా తన బ్యానర్ పై మరో హీరో నితిన్ కొసం నిర్మాతగా మారటం విశేషం. ఇక త్రివిక్రమ్ శ్రీనివాస్ ఈ చిత్రానికి నిర్మాణ బాధ్యతలతో పాటు మూల కధను సమకూర్చటం మరో హైలెట్. ఇంతటి క్రేజీ కాంబినేషన్ లో తెరకెక్కనున్న ఈ చిత్రం పూజా కార్యక్రమాలు శ్రేష్ట్ మూవీస్ సంస్థ కార్యాలయంలో ఈ రోజు ఉదయం జరిగాయి. ముహూర్తపు షాట్ కు పవన్ కల్యాణ్ క్లాప్ నివ్వగా, త్రివిక్రమ్ శ్రీనివాస్ కెమెరా స్విచ్చాన్ చేశారు.
హీరోయిన్ ,నటీనటులు, పూర్తి టెక్నికల్ టీమ్, షూటింగ్ సంబందిత వివరాలను త్వరలోనె వెల్లడించనున్నారు. ఈ చిత్రానికి మూల కథ: త్రివిక్రమ్ శ్రీనివాస్, సినిమాటోగ్రఫీ : ఎన్. నటరాజ సుబ్రహ్మణ్యన్,ఆర్ట్: రామకృష్ణ, కథ- మాటలు- స్కీన్‌ ప్లే – దర్శకత్వం : కృష్ణ చైతన్య
