తెలంగాణలోని 17పార్లమెంట్ నియోజకవర్గాల్లో పోలింగ్ ప్రశాతంగా ముగిసింది. రాష్ట్రంలో ఏ చిన్న సంఘటన జరగకుండా పోలింగ్ జరిగిందన్నారు డిజిపి మహేందర్ రెడ్డి. 85 వేల మంది పోలీసులు విధుల్లో పాల్గొన్నారు. ఉదయం ప్రజలంతా సంతోషంగా ఓటింగ్‌లో పాల్గొన్నారు. ఓటర్లు పోలీసులకు సహకరించారు. ప్రజలు, ప్రభుత్వ ఉద్యోగులకు పోలీస్ శాఖ తరుపున ధన్యవాదాలు. సీల్ చేసిన ఈవీఎంలను రిసెప్షన్ సెంటర్‌కు తీసుకొచ్చిన తర్వాత స్ట్రాంగ్‌రూంలో భద్రపరుస్తాం. మే 23 వరకు స్ట్రాంగ్ రూంల దగ్గర భద్రత కట్టుదిట్టంగా ఉంటుందన్నారు.
ఈసందర్భంగా తెలంగాణలోని 17పార్లమెంట్ నియోజకవర్గాల పోలింగ్ శాతం వివరాలు ఇలా ఉన్నాయి. హైదరాబాద్ 39.49 శాతం పోలింగ్, సికింద్రాబాద్ 39.20 శాతం, మల్కాజ్‌గిరి 42.75, మహబూబ్‌నగర్ 65, మెదక్ 68, జహీరాబాద్ 67.80, నల్లగొండ 66.11, నాగర్ కర్నూల్ 57.21, భువనగిరి 68.25, చేవెళ్ల 53.08, కరీంనగర్ 68, ఖమ్మం 67.92, ఆదిలాబాద్ 66.76, నిజామాబాద్ 54.20, పెద్దపల్లి 59.24, వరంగల్ 59.17, మహబూబాబాద్ 59.90 శాతం పోలింగ్ నమోదయింది.
