జనసేన అధినేత పవన్ కళ్యాణ్ పార్టీని స్ధాపించి మొదటిసారిగా ఎన్నికల్లో పోటీ చేసేందుకు సిద్దం అవుతున్నారు. వామపక్షాలు, బీఎస్పీతో పొత్తులో భాగంగా 175 స్ధానాలకు గాను 140 స్ధానాల్లో జనసేన పోటీ చేస్తుంది. జనసేన తరపున మెగా బ్రదర్ నాగబాబు నరసాపురం ఎంపీగా పోటీగా చేస్తున్నారు. నాగబాబు తరపున ప్రచారం చేయడానికి మెగా ఫ్యామిలీ హీరోలు వస్తారా లేదా అన్నది తెలియాల్సి ఉంది. అయితే గతంలో చిరంజీవి పార్టీ పెట్టినపుడు రామ్ చరణ్, పవన్ కళ్యాణ్, అల్లు అర్జున్ , నాగబాబు అందరూ కలిసి ప్రజారాజ్యం తరపున ప్రచారం చేశారు.
అయితే ఇప్పుడు నాగబాబు కోసం ఎవరూ వస్తారన్నది మెగా అభిమానుల్లో చర్చ నడుస్తుంది. ప్రస్తుతం మెగా హీరోలంతా వారి సినిమాల్లో బిజీగా ఉన్నారు. నాగబాబు కూతరు నిహరిక నటించిన సూర్యకాంతం మూవీ ఈనెల 29న విడుదల కాబోతుంది. ఈసినిమా విడుదల తర్వాత నిహారిక నాగబాబు తరపున ప్రచారం చేయనుందని తెలుస్తుంది. నిహారిక కూడా కొద్ది రోజుల క్రితం జనసేన తరపున ప్రచారం చేస్తానని చెప్పిన విషయం తెలిసిందే.
వరుణ్ తేజ్ కూడా జనసేన తరపున ప్రచారం చేయడానికి రెడీ ఉన్నట్లు సమాచారం. ప్రస్తుతం అమెరికాలో ఉన్న వరుణ్, మరో వారంలో ఇండియాకు వస్తాడట…వచ్చిన తర్వాత ప్రచారం లో పాల్గోంటాడని సమాచారం. ఈవిషంపై తాజాగా మీడియాతో మాట్లాడిన నాగబాబు..జనసేన తరపున ప్రచారానికి మెగా హీరోలు అందరూ వస్తారని తెలిపాడు. రామ్ చరణ్, బన్నీలను తాము ఇబ్బంది పెట్టలేం కానీ వరుణ్ తేజ్ నిహారికలు తప్పకుండా ప్రచారం చేస్తారని చెప్పాడు నాగబాబు. మెగా ఫ్యామిలీ మొత్తం ప్రచారంలో పాల్గోనడంతో మరి నాగబాబు ఎంపీగా గెలుస్తాడో లేదో చూడాలి.
