ప్రస్తుతం తెలంగాణ పల్లెటూరి నేపథ్యంలో యూట్యూబ్‌లో ఎన్నో రకాల ప్రోగ్రామ్స్‌ వస్తున్నాయి. అలాంటి వాటిలో మై విలేజ్‌ షో ఒకటి. దీని ద్వారా ఎందరో కళాకారులు వెలుగులోకి వచ్చారు. ముఖ్యంగా ఈ మై విలేజ్‌ షోలో రాజు,గంగవ్వ ఎంతో ఫేమస్ అయ్యారు. ఇక గంగవ్వకు గురించి చెప్పాలంటే ఈమె నటనకు ఎంతో మంది ఫిదా అయిపోయారు.
తెలంగాణలో గంగవ్వ తెలియనివారుండరు. గత కొద్దికాలంగా ఈ గంగవ్వ సోషల్ మీడియాలో దుమ్ములేపుతోంది. వయసుతో సంబందం లేకుండా చిన్నాపెద్ద అందరికీ అర్థమయ్యే లా వీడియోలు చేసిన ఈ మై విలేజ్‌ షో టీం లక్షలాది అభిమానులను సొంతం చేసుకున్నారు. వీరు చేసిన ప్రతీ వీడియో యూట్యూబ్‌లో టాప్‌లో దుసుకుపోతుంది.
ఇక అసలు విషయం ఏంటంటే ఈ గంగవ్వ యూట్యూబ్ నుండి సినిమాల్లోకి ఎంట్రీ ఇవ్వనుంది. రామ్‌ హీరోగా పూరి జగనాథ్‌ డైరెక్షన్‌లో తెరకెక్కుతున్న చిత్రం ‘ఇస్మార్ట్ శంకర్‌’. ఈ చిత్రంలో గంగవ్వ నటించనుంది. తాజాగా డైరెక్టర్‌ పూరి గంగవ్వను కలిసి తమ సినిమాలో నటించాలని కోరారట. అడిగిన వేంటనే గంగవ్వ కూడా సరే అని చెప్పిందట. దీనికి సంబంధించిన ఓ ఫొటో ప్రస్తుతం షోషల్ మీడియాలో వైరల్‌గా మారింది. దీనిపై నెటిజన్లు గంగవ్వకు శుభాకాంక్షలు తెలుపుతూ పలు ఆసక్తికర కామెంట్లు పెడుతున్నారు.
