ప్రతిసారిలాగే ఈ సారి మూవీ ఆర్టిస్ట్ అసోసియేషన్ ఎన్నికలు రసవత్తర పోటీకి దారితీశాయి. గత ఎన్నికల్లో అధ్యక్ష,ప్రధాన కార్యదర్శులుగా ఉన్న శివాజీరాజా,నరేష్ ఈసారి పరస్పరం తలపడేందుకు సిద్ధమయ్యారు. నరేష్ వర్సెస్ శివాజీరాజాగా మారిన ఎన్నికల్లో ఆసక్తికర పరిణామాలు చోటుచేసుకున్నాయి.
ఎప్పటిలాగే మెగాస్టార్ చిరంజీవి సపోర్టుతో శివాజీరాజా ప్యానల్ బరిలో ఉండగా ఘట్టమనేని ఫ్యామిలీ అండతో బరిలో ఉన్నారు నరేష్. అయితే ఈసారి జీవిత రాజశేఖర్‌లతో కలిసి మా ఎన్నికలను రసవత్తరంగా మార్చేశారు నరేష్. ఈ క్రమంలోసూపర్ స్టార్ మహేష్ మద్దతు తమకే అంటూ నరేష్ ప్యానల్ ప్రకటించడం,ఆ వెంటనే మెగాస్టార్ చిరంజీవిని జీవిత రాజశేఖర్‌లతో కలిసి నరేష్ కలవడం ఆసక్తిగా మారింది.
వీరితో పాటు ఎవరికి వారే మా సభ్యులను ఓటు వేయాల్సిందిగా అభ్యర్థిస్తూ ముందుకుసాగుతున్నారు. మార్చి 10న ఉదయం 9 గంటల నుంచి సాయంత్రం 5 గంటల వరకు పోలింగ్ జరగనుంది. సాధారణ ఎన్నికల్లో రాజకీయ పార్టీలకు ధీటుగా హామీలిస్తూ ముందుకుసాగుతున్నారు నరేష్,శివాజీరాజా. పెన్షన్ రూ. 6, మెడికల్ లైఫ్ ఇన్సూరెన్స్, కళ్యాణ లక్ష్మి లక్షా నూట పదహార్లు అంటూ హామీలు గుప్పిస్తూ ముందుకుసాగుతున్నారు. ఈ నేపథ్యంలో గెలుపు ఎవరిని వరిస్తుందోనని అంతా ఆసక్తిగా ఎదురు చూస్తున్నారు.
