వైవిధ్యమైన సినిమాలతో తనకంటూ ఓ ప్రత్యేకగుర్తింపు తెచ్చుకున్న హీరో నాని. తనదైన నటతో నేచురల్‌ స్టార్‌గా ఎదిగిన నాని పాత్ర ఏదైనా దానికి ప్రాణం పోసి ప్రేక్షకుల మన్ననలు పొందారు. ఇటీవలె నాగ్‌తో దేవదాస్‌ వంటి మల్టీస్టారర్‌ సినిమా తీసి హిట్ కొట్టిన నాని తాజాగా మరో సినిమాకు కమిట్ అయ్యాడు.
హలో ఫేమ్‌ విక్రమ్ కె కుమార్ దర్శకత్వంలో సినిమా ఇవాళ ప్రారంభమైంది. నాని 24వ సినిమాగా తెరకెక్కుతున్న ఈ మూవీ రేపటి నుండి రెగ్యులర్‌ షూటింగ్‌ ప్రారంభంకానుంది. మైత్రి మూవీ మేకర్స్ బ్యానర్‌పై నవీన్‌ యెర్నేని, రవి శంకర్‌, మోహన్‌ చెరుకూరి నిర్మాతలుగా వ్యవహరిస్తున్నారు. పీసీ శ్రీరామ్‌ సినిమాటోగ్రాఫర్‌గా వ్యహరించనున్నారు. కార్యక్రమంలో ప్రముఖ దర్శకుడు కొరటాల శివ పాల్గొన్నారు.
ప్రస్తుతం నాని ‘జెర్సీ’ సినిమాతో బిజీగా ఉన్నారు. గౌతమ్‌ తిన్ననూరి దర్శకత్వంలో తెరకెక్కతున్న ఈ సినిమాలో నానని సరసన శ్రద్ధ శ్రీనాత్‌ హీరోయిన్‌గా నటిస్తోంది. 1990 దశకానికి చెందిన ఓ క్రికెటర్ జీవితం నేపథ్యంలో సినిమాను తెరకెక్కిస్తుండగా నాని అర్జున్ అనే క్రికెటర్ పాత్రలో నటిస్తున్నారు. ఏప్రిల్‌లో సినిమా ప్రేక్షకుల ముందుకు రానుంది.
