వివాదాస్పద దర్శకుడు రామ్ గోపాల్ వర్మ ఎన్టీఆర్ జీవితంపై ‘లక్ష్మీస్ ఎన్టీఆర్’ సినిమాను తెరకెక్కిస్తున్న సంగతి తెలిసిందే. ఈ సినిమాకు సంబంధించిన ట్రైలర్‌ను ఇప్పటికే విడుదల చేసిన వర్మ.. సోషల్ మీడియాలో లక్ష్మీస్ ఎన్టీఆర్ సినిమాకు బాగా ప్రచారం చేసుకుంటున్నారు. తాజాగా వర్మ ఓ వీడియోను విడుదల చేశారు.
తాను ‘లక్ష్మీస్ ఎన్టీఆర్’ సినిమాను ఎందుకు తీశానో ప్రజలకు చెప్పాల్సిందిగా తనను ఎన్టీఆర్ కోరారని వర్మ తెలిపారు. అందుకే ఈ వాయిస్ మెసేజ్ ను విడుదల చేస్తున్నట్లు పేర్కొన్నారు. అయితే ఎన్టీఆర్ 1989 అసెంబ్లీ ఎన్నికల్లో దారుణంగా ఓడిపోయి, అధికారం కోల్పోయిన సమయం నుంచి జ‌రిగిన సంఘ‌ట‌న‌లు వర్మ ఈ వీడియోలో ప్ర‌స్తావించారు.
పాతికేళ్లుగా నిజాలుగా చెలామణి అవుతున్న సిగ్గులేని అబద్ధాలను శాశ్వతంగా నిజం అనబడే గోతిలో పాతిపెట్టడం ఈ సినిమా ఉద్దేశం అని వర్మ వివరించారు. ఈ సినిమా ప్రమోషన్ పనులను కూడా వర్మ ఇప్పటికే మొదలు పెట్టారు. తాజాగా ఈయ‌న విడుదల చేసిన వాయిస్ వీడియో కూడా సంచ‌ల‌నం సృష్టిస్తోంది. ప్రేక్షకులు ఈ మూవీ కోసం ఎంతగానో ఎదురుచూస్తున్నారు.
