గౌరవ అధ్యక్ష పదవులకు ఎంపీ కవిత రాజీనామా..

పలు సంఘాల గౌరవ అధ్యక్ష పదవులకు ఎంపీ కవిత రాజీనామా చేశారు. తెలంగాణ బొగ్గు గని కార్మికసంఘం(టీబీజీకేఎస్‌),విద్యుత్ కార్మిక సంఘం,అంగన్ వాడీ టీచర్స్‌ గౌరవ అధ్యక్ష పదవులకు రాజీనామా చేశారు. వీటితో పాటు హెల్పర్స్ అసోసియేషన్, గుర్తింపు పొందిన పాఠశాలల యాజమాన్యాల గౌరవ అధ్యక్ష పదవులకు రాజీనామా చేశారు కవిత. ఈ మేరకు రాజీనామా లేఖలను ఆయా సంఘాల ప్రధాన కార్యదర్శలకు పంపారు.

రానున్న లోక్‌ సభ ఎన్నికల దృష్ట్యా పార్టీకి పూర్తి సమయం కేటాయించేందుకే ఆయా సంఘాల గౌరవ అధ్యక్ష బాధ్యతల నుండి తప్పుకుంటున్నట్లు కవిత ప్రకటించారు. ఆయా సంఘాల పదవులకు రాజీనామా చేసిన సమస్యల పరిష్కారానికి కృషి చేస్తానని తెలిపారు.కార్మికలోకం సంక్షేమానికి నిరంతరం అందుబాటులో ఉంటానని తెలిపారు.