యుఎస్‌లో మహబూబాబాద్‌ విద్యార్థిపై కాల్పులు

అమెరికాలో మరోసారి కాల్పుల కలకలం చోటుచేసుకుంది. తెలంగాణ విద్యార్థిపై గుర్తు తెలియని దుండగులు మిషిగన్ రాష్ట్రం డెట్రాయిట్ నగరంలో 3వ తేదీ కాల్పులు జరిగాయి. మహబూబాబాద్ జిల్లాకు చెందిన పూస సాయికృష్ణ(24) ఈ కాల్పుల్లో తీవ్రంగా గాయపడ్డారు. విషయం ఆలస్యంగా వెలుగుచూసింది.

2014లో ఎంఎస్‌ చేయడానికి అమెరికా వెళ్లాడు సాయికృష్ణ. మిషిగన్‌ రాష్ట్రం డెట్రాయిట్‌లోని లారెన్స్‌ టెక్‌ విశ్వవిద్యాలయంలో ఎంఎస్‌ పూర్తి చేశాడు. 3న రాత్రి ఓ హోటల్‌ నుంచి తాను ఉంటున్న గదికి వస్తుండగా గుర్తు తెలియని ఆగంతకులు అతనిపై కాల్పులు జరిపారు.

నెత్తుటి మడుగులో ఉన్న బాధితుడిని పోలీసులు ఆస్పత్రిలో చేర్చారు. సాయికృష్ణపై కాల్పుల నేపథ్యంలో ఆయన కుటుంభసభ్యులు తీవ్ర ఆందోళన చెందారు. తమ కుమారుడు రోడ్డు ప్రమాదంలో గాయపడ్డాడనే భావిస్తూ వచ్చామని…. కాల్పులు జరిగినట్లు ఇప్పుడే తెలిసిందని ఆవేదన వ్యక్తం చేశారు.