సూప‌ర్ స్టార్ మ‌హేశ్ బాబు ప్రస్తుతం ‘మహర్షి’ సినిమాలో న‌టిస్తున్నారు. ఇది ఆయ‌న కెరీర్ లో 25వ సినిమా కావ‌డంతో అభిమానులు చాలా ఆశ‌లు పెట్టుకున్నారు. వంశీ పైడిపల్లి తెర‌కెక్కిస్తున్న ఈమూవీని దిల్ రాజు, అశ్వీనిద‌త్ లు సంయుక్తంగా నిర్మిస్తున్నారు. ఈచిత్రంలో మ‌హేశ్ స‌ర‌స‌న పూజా హెగ్డె న‌టించ‌గా..అల్ల‌రి న‌రేష్ ప్ర‌త్యేక పాత్ర‌లో క‌నిపించ‌నున్నారు. ఇప్పటికే చాలా వరకూ చిత్రీకరణ జరుపుకున్న ఈ సినిమా, ఏప్రిల్ 5వ తేదీన ప్రేక్షకుల ముందుకు రానుంది.
మ‌హేశ్ త‌ర్వాతి సినిమా ఎవ‌రితో చేయ‌నున్నాడ‌న్న‌ది అభిమానుల్లో ఆస‌క్తి నెల‌కొంది. ఇటివ‌లే ద‌ర్శ‌కుడు సుకుమార్ క‌థ వినిపించాడు కొంచెం మార్పులు చేయ‌మ‌ని సూచిండాడ‌ట మ‌హేశ్. తాజాగా కొంత మార్పులు చేసి మ‌హేశ్ కు క‌థ వినిపించాడ‌ట సుకుమార్. త్వ‌ర‌లోనే ఈ ప్రాజెక్ట్ ప‌ట్టాలెక్క‌నుంద‌ని టాలీవుడ్ వ‌ర్గాల స‌మాచారం. ఈమూవీలో హీరోయిన్ కోసం వెతుకున్నార‌ట చిత్ర‌బృందం.
క‌త్రినా కైఫ్ ను తీసుకునేందుకు ఎక్కువ‌గా ఆస‌క్తి చూపుతున్నార‌ట ద‌ర్శ‌కుడు సుకుమార్. టాలీవుడ్ లో వెంక‌టేశ్ స‌ర‌స‌న మ‌ల్లీశ్వ‌రి సినిమా న‌టించిన క‌త్రినా మ‌ళ్లీ తెలుగు సినిమాల్లో నటించ‌లేదు. ప్రస్తుతం క‌త్రినా బాలీవుడ్ లో స్టార్ హీరోయిన్ ల రేస్ లో ఉంది. క‌త్రినాను ఎలాగైనా ఒప్పించి ఈసినిమాలో తీసుకోవాల‌నే ఆలోచ‌న‌లో ఉన్నాడ‌ట ద‌ర్శ‌కుడు సుకుమార్.
