యంగ్ రెబ‌ల్ స్టార్ ప్రభాస్ ప్ర‌స్తుతం సాహో సినిమాతో బిజీగా ఉన్నాడు. బాహుబ‌లి సినిమాతో ప్రభాస్ కు ప్ర‌పంచ వ్యాప్తంగా క్రేజ్ ఏర్ప‌డింది. దీంతో ఈమూవీని కూడా అదే రేంజ్ లో తెర‌కెక్కిస్తున్నారు. సుజీత్ కుమార్ తెర‌కెక్కిస్తున్న ఈమూవీలో బాలీవుడ్ హీరోయిన్ శ్ర‌ద్దా క‌పూర్ హీరోయిన్ గా న‌టిస్తోంది. ఇక ప్రభాస్ త‌ర్వాతి సినిమా జిల్ మూవీ ద‌ర్శ‌కుడు రాధాకృష్ణ‌తో చేయ‌నున్నాడు. ప్ర‌స్తుతం ఈమూవీకి సంబంధించిన స్క్రీప్ట్ వ‌ర్క్ ప‌నులు జ‌రుగుతున్నాయి.
ఈ సినిమా 1960 కాలంనాటి ప్రేమకథగా రూపొందుతుందనీ, శ్రీమంతుడి పాత్రలో ప్రభాస్ కనిపించనున్నాడనే వార్త సోష‌ల్ మీడియాలో చ‌క్క‌ర్లు కొడుతుంది. ఈచిత్రంలో ప్రభాస్ కు జోడిగా పూజా హెగ్డ్ న‌టించ‌నుంది. పూజా హెగ్డే .. పేదింటి అమ్మాయిగా కనిపించనుందనేది తాజా సమాచారం. యూత్ .. మాస్ తో పాటు ఫ్యామిలీ ఆడియన్స్ కి నచ్చే అంశాలతో ఈ సినిమాను తెర‌కెక్కించ‌నున్నార‌ని తెలుస్తుంది. ఈమూవీని తెలుగుతో పాటు తమిళ .. మలయాళ భాషల్లో విడుదల చేయనున్నట్టు తెలుస్తోంది.
