21న ‘అంతరిక్షం’ విడుదల..

టాలీవుడ్‌ మెగా ప్రిన్స్‌ వరుణ్ తేజ్ కథానాయకుడిగా సంకల్ప్ రెడ్డి దర్శకత్వంలో ‘అంతరిక్షం’ రూపొందుతుంది. తాజాగా ఈ సినిమా సెన్సార్ కార్యక్రమాలను పూర్తిచేసుకుని క్లీన్ ‘యు’ సర్టిఫికెట్ ను సొంతం చేసుకుంది. ఈ నెల 21వ తేదీన ఈ సినిమాను భారీస్థాయిలో విడుదల చేయనున్నారు.

వరుణ్ తేజ్‌తో పాటు అదితీరావు వ్యోమగామిగా కనిపించనుండగా,లావణ్యత్రిపాఠి టీచర్ పాత్రలో కనిపించనుంది. రెహ్మాన్ (రఘు) ఈ సినిమాలో కీలకమైన పాత్రను పోషించాడు. అంతరిక్షం నేపథ్యంలో తెలుగులో తొలిసారిగా నిర్మితమైన చిత్రం ఇదే. అందువలన ఈ సినిమా ప్రేక్షకులలో మరింత ఆసక్తి కలిగిస్తుంది. ‘ఘాజీ’ డైరెక్టర్‌ సంకల్ప్ రెడ్డి దర్శకత్వం వహించడం విశేషం.