బాహుబ‌లి సినిమాలో ప్ర‌భాస్ కు ఎంత క్రేజ్ వ‌చ్చిందొ రానా కు కూడా అంతే క్రేజ్ వ‌చ్చింది. అయితే రానా న‌టించిన సినిమాలు ఈ ఏడాది ఒక్క‌టి కూడా విడుద‌ల కాలేదు. ప్ర‌స్తుతం ఆయ‌న న‌టిస్తున్న సినిమాలు సెట్స్ పై ఉన్నాయి. వ‌చ్చే సంవ‌త్స‌రం వ‌రుస‌గా ఆయ‌న న‌టించిన సినిమాలు విడుద‌లకానున్నాయి. తెలుగు, త‌మిళం, మ‌ల‌యాళం, హిందీ భాష‌ల‌కి సంబంధించిన చిత్రాల‌లో రానా నటిస్తుండ‌గా, వ‌చ్చే ఏడాది ఈ మూవీస్ ప్రేక్ష‌కుల ముందుకు రానున్నాయి.
ప్ర‌ముఖ ద‌ర్శ‌కుడుతో రానా మూవీ చేయ‌నున్న‌ట్లు ప్ర‌చారం జ‌రుగుతోంది. ఐతే, అనుకోకుండా ఒక రోజు, మ‌న‌మంతా వంటి కుటుంబ క‌థా చిత్రాలు తెర‌కెక్కించిన చంద్ర‌శేఖ‌ర్ యేలేటితో రానా సినిమా చేయ‌నున్నాడ‌ని తెలుస్తుంది. చంద్ర‌శేఖ‌ర్ ఏలేటి ఇటివ‌లే రానాకు క‌థ ను వినిపించాడ‌ట. రానాకు క‌థ న‌చ్చ‌డంతో వెంట‌నే గ్రీన్ సిగ్న‌ల్ ఇచ్చాడ‌ని స‌మాచారం. ఈమూవీకి మైత్రి మూవీ మేక‌ర్స్ సంస్ధ వారు నిర్మాత‌గా వ్య‌వ‌హ‌రించ‌నున్నారు.
