తమిళ హీరో అజిత్ కథనాయకుడిగా దరవు దర్శకుడు శివ డైరెక్షన్‌లో నటిస్తున్న చిత్రం విశ్వాసం. తాజాగా ఈ సినిమా ఫస్ట్‌లుక్ మోషన్‌ పోస్టర్‌ని విడుదల చేసింది చిత్ర యూనిట్. ఈ మూవీని సత్యజ్యోతి ఫిలిమ్స్ బ్యానర్‌పై సెంధిల్ త్యాగరాజన్, అర్జున్ త్యాగరాజన్ నిర్మిస్తున్నారు. ఈ చిత్రంలో అజిత్ సరసన హీరోయిన్‌గా నయనతార నటిస్తుండగా.. జగపతిబాబు, వివేక్, తంబి రామయ్య, యోగి బాబు, రోబో శంకర్, కోవై సరళా కీలక పాత్రల్లో నటిస్తున్నారు.
అజిత్ ఈ పోస్టర్‌లో రెండు రకాల గెటప్స్‌లో కనిపిస్తున్నాడు. ఎర్ర చొక్కాయ్.. తెల్ల నెక్ బనియన్.. గాల్లో ఎగిరొచ్చిన రూ.100 కళ్లజోడు .. అజిత్ ఊర మాస్ లుక్ అదరహో. మరోసారి తెల్ల పంచెకట్టు.. కోర మీసంతో .. పండిన తలకట్టుతో యాక్షన్ రాజాలా కనిపిస్తున్నాడు. శివ మరోసారి తన అభిమాన హీరోని కమర్షియల్ హీరోగానే చూపిస్తున్నాడు. డి ఇమాన్ సంగీతం అందిస్తున్న ఈ సినిమా సంక్రాంతి బరిలో రిలీజ్ కి రెడీ అవుతోంది.
