విశాల్‌ ‘టెంపర్‌’లో సన్నీ ఐటమ్‌..

బాలీవుడ్ హాట్‌ బ్యూటీ సన్నీలియోన్ ప్రధాన పాత్రలో ‘వీరమహాదేవి’ చిత్రం తెరకెక్కుతున్న సంగతి తెలిసిందే. ఈ సినిమా కన్నడ, తమిళం, తెలుగు భాషల్లో విడుదల కానుండగా కొన్ని కన్నడ, తమిళ సంఘాలు ఈ సినిమాకు వ్యతిరేకంగా ఆందోళనలు నిర్వహించాయి. ఇటీవల బెంగళూరులో సన్నీ లియోన్ పాల్గొన్న ఓ కార్యక్రమాన్ని అడ్డుకునేందుకు సైతం కన్నడ సంఘాలు ప్రయత్నించాయి. ఈ నేపథ్యంలో సన్నీలియోన్‌కు కోలీవుడ్ హీరో విశాల్ మద్దతుగా నిలిచారు.

అయితే యంగ్ టైగర్ ఎన్టీఆర్ నటించిన టెంపర్ సినిమా రీమేక్ ‘అయోగ్య’లో విశాల్ హీరోగా నటిస్తున్నారు. ఈ సినిమా కోసం చిత్రీకరిస్తున్న ప్రత్యేక గీతంలో సన్నీ లియోన్ కు విశాల్ ఛాన్సిచ్చారు. తమిళ టెంపర్‌లో విశాల్‌కు జోడీగా రాశిఖన్నా నటిస్తోంది. వెంకట్ దర్శకత్వం వహిస్తున్నాడు.