సెన్సేషనల్ హీరో విజయ్ దేవరకొండకు యూత్‌లో ఉన్న ఫాలోయింగ్‌ అందరికి తెలిసిందే. పెళ్లి చూపులు, అర్జున్ రెడ్డి, గీతా గోవిందం చిత్రాలతో అందరి దృష్టి ఆకర్షించిన విజయ్ దేవరకొండ ట్యాక్సీవాలా చిత్రంతో ఈ నెల 17న ప్రేక్షకుల ముందుకు రాబోతున్నాడు. జీఏ2 పిక్చర్స్ మరియు యూవీ క్రియేషన్స్ బేనర్స్ సంయుక్తంగా ఈ చిత్రాన్ని నిర్మిస్తున్నాయి. టాక్సీ డ్రైవర్ చుట్టూ ఈ మూవీ కథ తిరుగుతుందని తెలుస్తుంది. చిత్రంలో షార్ట్ ఫిలింస్ బ్యూటీ ప్రియాంక జవల్కర్ ,మాళవిక నాయర్‌లు హీరోయిన్‌లుగా న‌టించారు.
విజయ్ దేవరకొండ ఈ చిత్రంలో శివ అనే పాత్రలో టాక్సీ డ్రైవర్‌గా కనిపించనున్నాడు. రాహుల్ సంకృతియన్ దర్శకత్వంలో తెరకెక్కిన ఈ మూవీపై అభిమానుల‌లో చాలా అంచ‌నాలు ఉన్నాయి. అయితే ఈ మూవీ విడుదలకు ముందే నెటింట్లో ప్రత్యేక్షమైంది. ఈ మూవీ పైర‌సీ బారిన ప‌డ‌డంతో నిర్మాత‌లు తలలు పట్టుకున్నారు. ఈ వ్యవహారంపై ఇండ‌స్ట్రీకి సంబంధించిన ప‌లువురు ప్ర‌ముఖులు చిత్ర యూనిట్‌కి మద్దతుగా నిలుస్తున్నారు. ఇటీవల తమిళ హీరో సూర్య ట్యాక్సీవాలకు మద్దతుగా నిలిచిన విషయం తెలిసిందే.
తాజాగా రెబల్‌స్టార్‌ ప్రభాస్ విజయ్ దేవరకొండకు, చిత్రబృందానికి విషెస్ చెబుతూ.. ఎవరు పైరసీని ప్రోత్సహించకుండా అందరు థియేటర్‌లోనే ఈ చిత్రాన్ని చూడాలంటూ ట్విట్టర్‌ ద్వారా తెలిపి విజయ్‌కి అండగా నిలిచాడు. ఈ ట్వీట్ చూసిన విజయ్ ఫుల్ ఖుషీ అయ్యాడు. వెంటనే రిప్లై ఇచ్చిన విజయ్ ‘అన్నా, ఫస్ట్ మాకు సాహో అప్‌డేట్ ఇవ్వండన్నా’ అని ప్రభాస్‌ను వేడుకున్నాడు. మరి ఈ మూవీతో విజయ్ దేవరకొండ హిట్‌ అందుకుంటాడో లేదో మరికొన్ని గంటలు వేచి చూడాలి.
Every One Wants That #SAAHOUpdate 🙏🙏
😅😅 #VijayDevarakonda #Prabhas #Saaho pic.twitter.com/xjRwdeJDRJ
— Prabhas FC (@PrabhasFC3) November 16, 2018
