స‌ర్దార్ గ‌బ్బ‌ర్ సింగ్ త‌రువాత ప‌వ‌ర్ స్టార్‌ పవన్‌కల్యాణ్‌ నటిస్తున్న ‘కాటమరాయుడు’ సినిమా షూటింగ్ శ‌ర‌వేగంగా కొన‌సాగుతోంది. వ‌చ్చే ఏడాది మార్చిలో ఈ చిత్రాన్ని విడుదల చేయాల‌ని సినిమా యూనిట్ భావిస్తోంది. దీపావళి సందర్భంగా తాజాగా ఆ చిత్రబృందం ప్రేక్ష‌కుల‌కు పండుగ శుభాకాంక్ష‌లు తెలుపుతూ ‘కాటమరాయుడు’ పవన్ క‌ల్యాణ్, శ్రుతి హాసన్ కలసి దీపాలు వెలిగిస్తోన్న ఫొటోను విడుదల చేసింది. డాలీ దర్శకత్వం వహిస్తున్న ఈ చిత్రానికి సంబంధించిన మోషన్‌ పోస్టర్‌ను శనివారం రాత్రి విడుదల చేశారు. పవన్ సినిమా కబుర్లంటే అభిమానులకు దీపావళి సంబరాల్ని మించిపోయిన ఆనందం. మోషన్‌ పోస్టర్‌తో ఫ్యాన్స్‌ని ఖుషీ చేసేశాడు పవన్.
బాలయ్య గౌతమిపుత్ర శాతకర్ణి
‘సమయము లేదు మిత్రమా..’ అంటూ ఈ దసరాకి టీజర్‌తో సందడి చేశాడు నందమూరి బాలకృష్ణ. క్రిష్‌ దర్శకత్వం వహిస్తున్న ‘గౌతమిపుత్ర శాతకర్ణి’ నటుడిగా బాలయ్యకు వందో చిత్రం. పైగా ఈ సంక్రాంతి బరిలో నిలవబోతోంది. అందుకే ఈ సినిమాపై ఇటు అభిమానులు, అటు చిత్రసీమ దృష్టి నిలిపింది, ‘గౌతమి…’కి సంబంధించిన ఏ చిన్న వార్త అయినా విశేషంగా చర్చించుకొంటోంది. దీపావళి సందర్భంగా యుద్ధ రంగంలో కదం తొక్కుతున్న గౌతమిపుత్రుడి లుక్‌ని చిత్రబృందం విడుదల చేసింది. చిత్రీకరణ దాదాపుగా పూర్తయినట్టే. డిసెంబరులో పాటల్ని విడుదల చేస్తున్నారు. శ్రియ కథానాయికగా నటిస్తున్న ఈ చిత్రంలో హేమమాలిని కీలక పాత్ర పోషిస్తున్నారు.
