యంగ్ టైగర్ ఎన్టీఆర్, త్రివిక్రమ్ కాంబినేషన్‌లో శరవేగంగా తెరకెక్కుతున్న చిత్రం‘అరవింద సమేత వీర రాఘవ’. ఎన్టీఆర్ సరసన పూజా హెగ్డే హీరోయిన్‌గా నటిస్తున్న ఈ చిత్రం దసరా కానుకగా ప్రేక్షకుల ముందుకురానుంది. తండ్రి హరికృష్ణ మరణంతో షూటింగ్‌కు గ్యాప్ ఇచ్చిన ఎన్టీఆర్ ఇటీవల చిత్రయూనిట్‌తో జాయిన్ అయ్యారు.
ఇప్పటికే టాకీ పార్ట్ పూర్తి చేసుకోగా ప్రస్తుతం ప్రమోషన్ కార్యక్రమాల్లో బిజీగా ఉంది. వినాయక చవితి కానుకగా సినిమా ట్రైలర్‌ని విడుదల చేయనున్నట్లు టాక్. అంతేగాదు వినాయక చవితి తర్వాత రెగ్యులర్‌గా సినిమాకు సంబంధించిన అప్‌డేట్స్‌ని అందించనున్నారట.
ప్రస్తుతం సినిమా పాటల చిత్రీకరణ హైదరాబాద్ లో జరుగుతున్నది. దుఃఖాన్ని దిగమింగుకుని తారక్ షూటింగ్‌లో చూపించిన ఎనర్జీతో చిత్రయూనిట్ ఆశ్చర్యపోయింది. ఈ విషయాన్ని ట్వీట్ చేసిన మ్యూజిక్ డైరెక్టర్ తమన్..తారక్ అన్న గ్రేట్ అంటూ ట్వీట్ కూడా చేశారు.
