తమిళసూపర్‌స్టార్ రజనీకాంత్, దిగ్గజ దర్శకుడు శంకర్ కాంబినేషన్‌లో 2.0 చిత్రం తెరకెక్కుతున్న విషయం తెలిసిందే. ఈ సినిమా కోసం అందరూ ఆసక్తిగా ఎదురుచూస్తున్నారు. ఈ నేపథ్యంలో ఈ సినిమా టీజర్ రిలీజ్ డేట్‌ను శంకర్ ఎనౌన్స్ చేశాడు. ‘వినాయకచవితి’ పండుగ సందర్భాన్ని పురస్కరించుకుని, ఈ నెల 13వ తేదీన ఈ సినిమా నుంచి టీజర్‌ను వదలనున్నట్టు చెప్పాడు. రజనీ అభిమానులందరికీ ఇది శుభవార్తేనని చెప్పాలి. అక్షయ్ కుమార్ ప్రతినాయకుడిగా నటించిన ఈ సినిమాలో, కథానాయికగా ఎమీ జాక్సన్ నటింస్తోంది.
అంతేకాదు ఈ టీజర్ డేట్‌ను బాలీవుడ్ నటుడు అక్షయ్‌కుమార్ కూడా తన ట్వట్టర్‌ ద్వారా ప్రకటించాడు. 2.0 టీజర్ (త్రీడీ) ఈ నెల 13న వినాయక చవితి శుభాకాంక్షలతో మీ ముందుకు వస్తుందని ట్వీట్ చేశాడు అక్షయ్. అంతేకాకుండా 2.0లో తన పాత్రకు సంబంధించిన సరికొత్త పోస్టర్‌ను షేర్ చేశాడు అక్షయ్. దర్శక, నిర్మాత కరణ్‌జోహార్ కూడా ఈ విషయాన్ని చెప్తూ మరో పోస్టర్‌ను పంచుకున్నాడు.
రోబోకు సీక్వెల్‌గా వస్తున ఈ మూవీ ప్రమోషన్స్‌ను నిర్వహించేందుకు భారీగా ప్లాన్ చేస్తున్నారు చిత్ర యూనిట్. లైకా ప్రొడక్షన్స్ 2.0 చిత్రాన్ని సుమారు 400 కోట్లకుపైగా బడ్జెట్‌తో తెరకెక్కిస్తోంది. ఆస్కార్ అవార్డు గ్రహీత ఏఆర్‌రెహమాన్ మ్యూజిక్ అందిస్తున్నాడు. ఇక ఈ టీజర్‌తో శంకర్ ఏ స్థాయిలో అంచనాలు పెంచుతాడో చూడాలి.
Prepare for #2Point0! Teaser out on September 13, 2018. @2Point0movie @LycaProductions @DharmaMovies pic.twitter.com/DadQpt4Q7V
— Akshay Kumar (@akshaykumar) September 7, 2018
