మేడ‌మ్ టుస్సాడ్ లో మ‌హేశ్ బాబు విగ్ర‌హం..

టాలీవుడ్ సూప‌ర్ స్టార్ మ‌హేశ్ బాబుకు అరుదైన గౌర‌వం ద‌క్కింది మేడ‌మ్ లుస్సాడ్ మ్యూజియంలో కొలువుదిర‌నున్న ప్ర‌ముఖ‌ల జాబితాలో మ‌హేశ్ బాబు కూడా ఉన్నాడు. అందుకోసం మ‌హేశ్ బాబు మైన‌పు విగ్ర‌హాన్ని త‌యారుచేస్తున్నారు. తాజాగా ఈవిష‌యాన్ని త‌న ట్వీట్ట‌ర్ ద్వారా అభిమానుల‌తో షేర్ చేసుకున్నారు సూప‌ర్ స్టార్ మ‌హేశ్ బాబు. దింతో మ‌హేశ్ అభిమానులు ఆయ‌న‌కు ట్వీట్ట‌ర్ ద్వారా శుభాకాంక్షాలు తెలుపుతున్నారు.

టాలీవుడ్ లో మేడ‌మ్ టుస్సాడ్ లో మైన‌పు విగ్ర‌హాన్ని ప్ర‌ద‌ర్శిస్తున్న రెండ‌వ హీరోగా మ‌హేశ్ బాబు రికార్డు సృష్టించాడు. బాహుబ‌లితో తెలుగు స్ధాయిని ప్ర‌పంచానికి ప‌రిచ‌యం చేసిన ప్ర‌భాస్ విగ్ర‌హాన్ని మేడ‌మ్ టుస్సాడ్ మ్యూజియంలో ఏర్పాటు చేసిన విష‌యం తెలిసిందే. త‌న విగ్ర‌హాన్ని ఏర్పాటుచేయడానికి వివ‌రాలు సేక‌రించ‌డానికి వ‌చ్చిన మ్యూజియం ప్ర‌తినిధులకు మ‌హేశ్ కృత‌జ్ఞ‌త‌లు తెలిపారు. ఈసంద‌ర్భంగా త‌న బొమ్మ‌ను త‌యారు చేస్తున్న ఫోటోను అభిమానుల‌తో పంచుకున్నారు సూప‌ర్ స్టార్.

మ‌హేశ్ బాబు ప్ర‌స్తుతం వంశీ పైడిప‌ల్లి ద‌ర్శ‌క‌త్వంలో ఓ సినిమా చేస్తున్నాడు. ఇటివలే ఈసినిమా మొద‌టి షెడ్యూల్ ను పూర్తి చేసుకుంది. ప్ర‌ముఖ నిర్మాత దిల్ రాజు, అశ్వీనిదత్ లు సంయుక్తంగా ఈసినిమాను నిర్మించ‌గా..పూజా హెగ్డ్ హీరోయిన్ గా న‌టిస్తుది. కామెడీ హీరో అల్ల‌రి న‌రేష్ ఈసినిమాలో కీల‌క పాత్ర‌లో న‌టించ‌నున్నాడు. సంక్రాంతికి ఈసినిమాను విడుద‌ల చేసేందుకు స‌న్నాహాలు చేస్తున్నారు చిత్ర‌యూనిట్.