రజనీకి ఆరోగ్యం బాగా లేదా? కబాలి సినిమాతో దుమ్ము రేపిన కలెక్షన్లు సాధించి చలన చిత్ర పరిశ్రమలోనే కొత్త రికార్డులు సృష్టించిన తలైవార్ రజనీకాంత్‌ కి సుస్తీ చేసిందని, అందుకే మళ్లీ అమెరికాకి వెళ్లాల్సి వస్తూందని, సోషల్‌ మీడియాలో వార్తలు చక్కర్లు కొడుతున్నాయి. ఇది ఇలా ఉండగా తన కూతురి వివాహం విడాకుల దాకా వచ్చినందుకు కూడా రజనీ కొంత కలత చెందడాని వార్తలు వినిపిస్తున్నాయి. కబాలి రిలీజ్ సమయంలో కూడా రజనీ అమెరికాలో ఉండటం గమనార్హం. రజనీ కావాలనే పని గట్టుకుని అమెరికా వెళ్లలేదని ఆరోగ్య కారణాల రిత్య అమెరికాకి వెళ్లాల్సి వచ్చిందని ఆయన సన్నిహిత వర్గాలు తెలిపాయి.
మరో పక్క కబాలి-2 పయత్నాల్లో కూడా రజనీ కొంత ఒత్తిడికి గురి అవుతున్నారని. ఈ సినిమాని తన అల్లుడు ధనుష్‌ కోసం చేస్తున్నారని, కబాలి దర్శకుడు పా రంజిత్‌ మరోసారి దర్శకత్వం వహిస్తున్నారని వార్తలు వస్తున్నాయి. ఈ మధ్యే తన కూతురి విడాకుల తతంగం వెలుగులోకి వచ్చింది. ఒక్క పక్క ధనుష్‌తో సినిమా మరో పక్క మరో అల్లుడితో విడాకులు ఈ వ్యవహారంలో రజనీ కొంత ఒత్తిడి కి లోనై ఆరోగ్యసమస్యలు వచ్చినట్టు ఆయన సన్నిహితులు చెబుతున్నారు. కొంత మానసిక ప్రశాంతత కోసం కొన్ని అత్యవసర వైద్య పరీక్షల కోసం రజనీ అమెరికా వెళ్లాల్సి వస్తుందని ఆయన సన్నిహితులు చెబుతున్నారు.
డైరెక్టర్‌ శంకర్‌ దర్శకత్వంలో రోబో 2.0 లో సూపర్‌ స్టార్‌ రజనీ కాంత్ నటిస్తున్న విషయం తెలిసిందే. ఈ చిత్రం రోబో కు సీక్వెల్‌గా తెరకెక్కుతుంది. ఈ సినిమా ఫస్ట్‌ లుక్‌ను నవంబర్‌లో విడదల చేయనున్నట్లు ఇటీవల రోబో యూనిట్ తెలిపింది. భారీ బడ్జెట్‌తో ఈ చిత్రాన్ని లైకా ప్రొడక్షన్స్‌ నిర్మిస్తుంది. ఈ సినిమాలో బాలీవుడ్ యాక్షన్ హీరో అక్షయ్‌ కుమార్‌ ప్రతినాయకుడిగా నటిస్తున్నాడు. ఇప్పటికే రోబో 2 చిత్రం షూటింగ్‌ పూర్తి చేసుకుంది. అయితే ఈ సినిమాకు గ్రాఫిక్స్‌ పనులు మాత్రం మిగిలి ఉన్నాయి.
ఇటివలే షూటింగ్‌ పూర్తి చేసుకున్న సూపర్‌స్టార్‌ మళ్లీ ఆస్పత్రికి వెళ్లాల్సి వచ్చిందట. ఈ విషయం సూపర్‌స్టార్‌ అభిమానులని కంగారు పెడుతోంది. సాంగ్స్‌ షూటింగ్‌ కోసం ఉక్రేయిన్‌ వెళ్లాల్సిన సూపర్‌స్టార్‌ అమెరికా వెళ్లడంపై పలు రూమర్స్‌ వినిపిస్తున్నాయి. సూపర్‌ స్టార్‌ రజనీకాంత్‌ కిడ్నీ సంబంధిత చికిత్సకోసం అమెరికా వెళ్లినట్టు కోలివుడ్‌ వర్గాల సమాచారం. రజనీకాంత్‌తో పాటు ఆయన కుమార్తె ఐశ్వర్య, అల్లుడు ధనుష్‌ లు కూడా రజనీ వెంట అమెరికా వెళ్లారని తెలుస్తుంది.
కబాలి ప్రమోషన్‌ లో కూడా పాల్గొనకుండా రజనీ కాంత్ 40రోజుల పాటు అమెరికాలో ఉన్న సంగతి తెలిసిందే. మళ్లీ ఇప్పుడు రజనీ తాజాగా మరో సారి అమెరికా వెళ్లారంటూ వస్తున్న వార్తలపై అభిమాలు కంగారుపడుతున్నారు. కాగా, కబాలి సినిమాటాక్ ఎలా ఉన్నా ఆ సినిమా భారీ వసూళ్లు చేసింది. ఇప్పుడు రోబో 2.0 కలెక్షన్లు కురిపిస్తుందనడంలో ఎలాంటి సందేహం లేదు.
