బాలీవుడ్‌లో శ్రీదేవి పెద్ద కూతురు జాన్వీకపూర్‌ ఎంట్రీ ఇస్తున్న చిత్రం ‘ధడక్‌’. ఈ చిత్రం ఇంకా తెరపైకి రాకముందే జాన్వీ మంచి క్రేజ్ సంపాదించుకుంది. సోషల్ మిడియలో ఆమె ఫొటోలు ఈ మధ్య తెగ వైరల్ అవుతున్నాయి. శ్రీదేవి అంత కాకపోయినా తనదైన శైలిలో అభిమానులను సంపాదించుకుంటోంది ఈ బ్యూటీ. ఇటీవల ఓ జిమ్ నుంచి బయటకు వస్తుంటే చిన్నా పెద్ద తేడా లేకుండా ప్రతి ఒక్కరు జాన్వీ ని చూసి ఎగబడ్డారు. శ్రీదేవి మరణించాకా ఆమె అభిమానులు జాన్వీలో శ్రీదేవిని చూసుకొంటున్నారు.
జాన్వీ మొదటి సినిమా అయిన ధడఖ్ మొదలై నెలలు గడుస్తోంది. షూటింగ్ కూడా చివరిదశకు చేరుకుంది. దీంతో చిత్ర యూనిట్ పోస్టర్స్ తో అడ్వాన్స్ ప్రమోషన్స్ స్టార్ట్ చేసింది. ఈషన్ ఖాత్తార్ కథనాయకుడిగా నటిస్తున్న ఈ మూవీ మరాఠీ సినిమా సైరత్ కు దడఖ్ రీమేక్‌గా వస్తున్న సంగతి తెలిసిందే. తాజాగా ఈ సినిమాకు సంబంధించిన ఫస్ట్‌లుక్‌ పోస్టర్‌ను ట్వీటర్‌ ద్వారా విడుదల చేశారు.
ఈ పోస్టర్‌లో జాన్వీ కలర్ఫుల్ గా కనిపిస్తోంది. ఈషన్ ఆమె మొహంపై రంగు పూస్తుండగా మెల్లగా తల పక్కకు తిప్పుకొని సిగ్గుపడుతూ.. ఉండడం కొత్తగా అనిపిస్తోంది. చూస్తుంటే ఈ బ్యూటీ స్టార్ హీరోయిన్ అవ్వడం పక్కా అని అర్ధమవుతుంది. శశాంత్‌ ఖైతాన్‌ దర్శకత్వంలో తెరకెక్కుతోన్న ఈ చిత్రాన్ని జులై 20న ప్రేక్షకుల ముందుకు తీసుకొస్తున్నారు.
