బాహుబలి చిత్రంలో నటించాలనుకున్న నటీనటులకు లెక్కేలేదు. ఒక్క అవకాశం ఇవ్వమంటూ తమిళ హీరొ సూర్య పబ్లిగ్గానే రాజమౌళిని రిక్వెస్ట్ చేశాడు. ఆ తరువాత బాహుబలిలో నటిస్తున్నారంటూ చాలా మంది బాలీవుడ్ తారలు పేర్లు వినిపించాయి. అయితే సినిమా రిలీజైయ్యాక కానీ తెలియలేదు. అదంతా నిజంకాదని. లేటెస్ట్ విషయం ఏంటంటే.. అనిల్ కపూర్ కూతురు సోనమ్ కపూర్ కి మాత్రం నిజంగానే బాహుబలిలో నటించే అవకాశం వచ్చిందట. తాజాగా నేహా ధూపియా చేస్తున్న నో ఫిల్టర్ నేహా అనే కార్యక్రమంలో సోనమ్ ఈ విషయాన్ని వెల్లడించింది. తమన్నపోషించిన అవంతిక క్యారెక్టర్ కోసం చిత్ర యూనిట్ ముందుగా సోనమ్ కపూర్ ని అనుకున్నట్లు తెలుస్తోంది. బాహుబలి తొలిపార్టు హిందీలో కూడా భారీ విజయం దక్కించుకున్న విషయం తెలిసిందే. నిజానికి రాజమౌళి బాహుబలిని అన్ని భాషల్లో రిలీజ్ కు ప్లాన్ చేసినట్లే.. అన్ని చిత్రపరిశ్రమల్లోని నటీనటులను కూడా మూవీలో నటింపజేయాలని అనుకున్నాడు. అందులో భాగంగానే అవంతిక పాత్రకు సోనమ్ ని అనుకున్నట్లు తెలుస్తోంది. మరి ఇంత గొప్ప అవకాశాన్ని సోనమ్ ఎందుకు వదులుకుందో తెలియదు. ఈ విషయాన్ని సోనమ్ కపూర్ కూడా వెల్లడించలేదు.
