నాగ్ అశ్విన్ దర్శకత్వంలో తెరకెక్కిన ‘మహానటి’ .. మూడవ వారంలోను వసూళ్ల పరంగా దూసుకుపోతోంది. ఈ నేపథ్యంలో ఈ సినిమా టీమ్ హైదరాబాద్ లో సక్సెస్ మీట్ ను ఏర్పాటు చేసింది. ఈ సమావేంలో నిర్మాతలు స్వప్న దత్, ప్రియాంక దత్, దర్శకుడు నాగ్ అశ్విన్, హీరోయిన్ కీర్తి సురేష్, హీరో విజయ్ దేవరకొండ, రచయిత బుర్రా సాయి మాధవ్ తదితరులు పాల్గొన్నారు.
ఈ సక్సెస్ మీట్ కి హాజరైన విజయ్ దేవరకొండ మాట్లాడుతూ .. “ఈ సినిమా చేయడానికి ముందు నాకు సావిత్రి గారి గురించి పెద్దగా తెలియదు. నా పాత్రను చేస్తున్నప్పుడే సావిత్రి గారి గురించి కొంచెం కొంచెంగా తెలిసింది” సావిత్రి లైఫ్ చూసి నేను షాక్ అయ్యానని అన్నాడు. వైజయంతి మూవీస్ ఈ సినిమాను నిర్మించడం గొప్ప విషయం. నాగ్ అశ్విన్ సినిమాను నడిపించిన విధానం గ్రేట్. మహానటి లాంటి సినిమాలు అరుదుగా వస్తుంటాయి. ఎవడే సుబ్రహ్మణ్యం తరువాత నాగ్ అశ్విన్ తో చేసిన సినిమా మహానటి. నాగ్ అశ్విన్ హాడ్ వర్క్ నేను దగ్గరుండి చూశాను అని తెలిపాడు.
