తెలుగు తెరకు ‘ఛలో’ సినిమాతో పరిచయమైన కథానాయిక రష్మిక మందన. ఛలో సినిమాతో కుర్రకారుల హృదయాన్ని కొల్లగొట్టేసి.. తెలుగు ఇండ్రస్ట్రీలో సినిమా అవకాశాలు బాగానే కొట్టేసింది. చేసిన మొదటి సినిమా హిట్ కావడంతో ఈ అమ్మడుకి తెలుగు ఇండ్రస్ట్రీలో అవకాశాలు బాగానే వస్తున్నాయి. ఇక ఈ అమ్మడు ప్రస్తుతం విజయ్ దేవరకొండ హీరోగా తెరకెక్కనున్న ‘డియర్ కామ్రేడ్’ చిత్రంలో కథానాయికగా నటిస్తుంది. ఈ సినిమాలో రష్మిక తెలంగాణ రాష్ట్ర జట్టుకు ప్రాతినిధ్యం వహించే క్రికెటర్గా కనిపించనుంది.
ఇక క్రికెటర్గా తన పాత్రకు న్యాయం చేయడం కోసం ఈ అమ్మడు ప్రస్తుతం క్రికెట్ నేర్చుకుంటుంది. హైదరాబాద్ క్రికెట్ క్లబ్లో రష్మిక శిక్షణ పొందుతోంది. ఆమె చేసే పాత్రలో సహజత్వం లోపించకుండ ఉండకూడదని ఉద్దేశంతో ఈ అమ్మడు క్రికెట్ అకాడమిలో చేరిందట. ఈ సినిమాలో ఆమె పాత్రకు మంచి పేరు వస్తుందన్న నమ్మకంతో ఉంది రష్మిక. ఈ సినిమాకు భరత్ కమ్మ దర్శకత్వం వహించనున్నాడు. జూన్లో ఈ మూవీ రెగ్యులర్ షూటింగును ప్రారంభించనున్నారు. ఇక మలయాళంలో దల్కర్ సల్మాన్ చేసిన ‘కామ్రేడ్ ఇన్ అమెరికా’ సినిమాకి, ఈ సినిమాకి ఎలాంటి సంబంధం లేదని దర్శకుడు భరత్ కమ్మ చెప్పిన విషయం తెలిసిందే.
