జయం రవి, నివేదా పేతురాజ్ హీరో హీరోయిన్లుగా చ‌ద‌ల‌వాడ బ్ర‌ద‌ర్స్ స‌మ‌ర్ప‌ణ‌లో శ్రీ తిరుమ‌ల తిరుప‌తి వెంక‌టేశ్వ‌ర ఫిలింస్ బ్యాన‌ర్‌పై శ‌క్తి సౌంద‌ర్ రాజన్ ద‌ర్శ‌క‌త్వంలో ప‌ద్మావ‌తి చ‌ద‌ల‌వాడ నిర్మాతగా వ‌స్తోన్న చిత్రం `టిక్ టిక్ టిక్`. ఇండియ‌న్ సినిమా చ‌రిత్రంలో తొలి అంత‌రిక్ష సినిమాగా ఈ సినిమా తెరకెక్క‌డం విశేషం. సుప్రీమ్ హీరో సాయిధ‌ర‌మ్ తేజ్ విడుదల చేసిన టీజర్‌కు మంచి రెస్పాన్స్ వచ్చింది.
జయం రవి సరసన నివేథా పేతురాజ్ హీరోయిన్‌గా నటిస్తుండగా అరోన్ అజీజ్, జయ ప్రకాష్, రమేష్ తిలక్‌ లు ఇతర కీలక పాత్రల్లో నటిస్తున్నారు. భారతీయ సినీ చరిత్రలో తొలి స్పేస్‌ మూవీగా తెరకెక్కతున్న ఈ సినిమాకు డి.ఇమాన్ సంగీతమందిస్తున్నాడు.
టిక్ టిక్ టిక్‌ను జనవరిలోనే రిలీజ్ చేయాలని భావించినా.. అనివార్య కారణాల వల్ల విడుదల సాధ్యం కాలేదు. తాజాగా ఈ సినిమాను జూన్ 22న రిలీజ్ చేస్తున్నట్టుగా చిత్రయూనిట్ అధికారికంగా వెల్లడించింది. అయితే తెలుగు వర్షన్‌ కూడా అదే రోజు రిలీజ్ అవుతుందా లేదా అన్న విషయం తెలియాల్సి ఉంది.
జయం రవి, నివేదా పేతురాజ్, జ‌య‌ప్ర‌కాష్ త‌దిత‌రులు న‌టించిన ఈ చిత్రానికి సంగీతం: డి.ఇమ్మాన్‌, కెమెరా : వెంక‌టేష్‌, ఎడిట‌ర్: ప్ర‌దీప్‌, ఆర్ట్: మూర్తి, నిర్మాత : ప‌ద్మావ‌తి చ‌ద‌ల‌వాడ, ద‌ర్శ‌క‌త్వం : శ‌క్తి సౌంద‌ర్ రాజన్.
