సమంత..చేతినిండా సినిమాలతో వరుస విజయాలతో తన సత్తా ఎంటోమారో సారి రుజువు చేస్తుంది. పెళ్లి అనంతరం కూడా ఎక్కడా సినిమాలకు గ్యాప్ రాకుండా జాగ్రత్తలు తీసుకుంటుంది. తాజాగా విడుదలైన రంగస్థలం సినిమా నాన్ బాహుబలిగా రికార్డులను కొల్లగొట్టిన విషయం తెలిసిందే. ఈ సినిమాలో తన నటనతో ప్రముఖుల నుంచి ప్రశంసలందుకుంది. నెల రోజుల్లోనే రూ.200 కోట్లు రాబట్టి సరికొత్త రికార్డులకు వేదికైంది రంగస్థలం.
ఇదిలా ఉండగా తమిళంలో విశాల్ సరసన నటించిన ‘ఇరుంబుతిరై’ సినిమా విడుదలకు సిద్దమైంది. ఇటీవల విడుదలైన ఈ సినిమా ట్రైలర్‌కు మంచి స్పందన వస్తుంది. ఈ సందర్భంగా సమంత ఈ సినిమా గురించి మాట్లాడుతూ..ఇంటర్నేట్ ద్వారా ఏర్పడే సమస్యలను ఈ చిత్రం ద్వారా తెలుసుకోవచ్చని ఈ సందర్భంగా ఆమె తెలిపారు. ఈ సినిమాలో కనిపించే సమస్యలను నా స్నేహితులకు ఎదురయ్యాయని తెలిపారు.
ఇక సినిమా దర్శకుడి విషయానికొస్తే ముందుగా కొత్త దర్శకుడు కాబట్టి ఆయనతో సినిమా చేయటానికి ఇబ్బందికరంగా ఉంటుందని నేను అనుకున్నాను. కానీ నేను అనుకున్నది కాకుండా ఆయన నాకు ఆ ఫీల్ అస్సలు కలిగించలేదన్నారు. సామాజిక మాధ్యమాలను మనం సరైన రీతిలో ఉపయోగించుకోవాలని సలహా ఇచ్చారు. ఇక విశాల్‌తో నటించడం చాలా అనందంగా ఉందన్నారు. యాక్షన్ కింగ్ అర్జున్ ఈ సినిమాలో తన నటనతో మరో నిరుపించుకుంటారని తెలిపారు సమంత.
