అలనాటి నటిగా చిత్ర పరిశ్రమలో తనకుంటూ ఓ ప్రత్యేకమైన గుర్తింపు సంపాదించుకుని తన నటనతో, అభినయంతో ప్రేక్షకలోకాన్ని తన వైపు తిప్పుకుంది సావిత్రి. కాదు..కాదు..’మహానటి’. చిత్ర పరిశ్రమలో తన నటనతో అంచలంచెలుగా ఎదుగుతూ తన సినీ ప్రయాణంలో ‘మహానటి’గా కీర్తింపబడింది సావిత్రి.
తెలుగు తెరపై చెరగని ముద్రవేసి అటు తమిళంలో కూడా తన నటనను పరిచయం చేసి ప్రశంసలందుకుంది. సినీ పరిశ్రమలో నటిగానే కాకుండా దర్శకురాలిగా, నిర్మాతగా కూడా తన ప్రతిభను చాటుకుంది. సావిత్రి 13 ఏళ్ల వయసులోనే నృత్యనాటక పోటీలలో ఆనాటి ప్రముఖ హిందీ సినీరంగంలో ప్రసిద్ధుడు అయిన పృధ్వీరాజకపూర్ చేతుల మీదుగా బహుమతి అందుకున్నఘనత ఆమె సొంతం. రచయితలు సైతం ఆమె జీవితం వర్ణనకు అందని ప్రస్థానమని చెబుతుంటారు.
ఈ సందర్భంగా ఆమే జీవిత కథ ఆధారంగా ‘మహానటి’ పేరుతో చిత్రం విడుదలవుతున్న విషయం తెలిసిందే. ఈ సినిమాలో సావిత్రి పాత్రలో కనిపించనుంది నటి కీర్తి సురేష్‌. ఈ సినిమాకు నాగ్ అశ్విన్ దర్శకత్వం వహించగా మెక్కిజేమేయర్ సంగీతం అందించారు. ఇక సావిత్రి భర్త జెమిని గణేషన్ పాత్రలో కనిపించనున్నాడు దుల్క‌ర్ స‌ల్మాన్‌. సమంతా మ‌ధుర వాణి పాత్రలో నటిస్తుండగా, ఎల్వీప్ర‌సాద్‌గా అవ‌స‌రాల, కేవి రెడ్డిగా క్రిష్ కనిపించనున్నారు తదితరులు తమ పాత్రలో కనిపించనున్నారు.
ఈ సినిమా అచ్చం సావిత్రిలాగే కీర్తి కనిపిస్తుందని నెటిజన్లు కామెంట్ చేస్తున్నారు. ఈ చిత్రం ‘నడిగర్ తిలగమ్’ అనే టైటిల్ తో తమిళంలో విడుదల కానుంది. భారీ అంచనాలు ఏర్పరుచుకున్న ఈ చిత్రం మే 9న ప్రేక్షకుల ముందుకు రానుంది. సావిత్రి పాత్రలో కీర్తి సురేష్‌ ఆకట్టుకుంటుందో లేదో చూడాలి మరి..!
