బాలీవుడు నటి, టీమిండియా కెప్టెన్ విరాట్ కోహ్లీ భార్య అనుష్క శర్మకు నేటితో 30 ఏళ్లు పూర్తయ్యాయి. ఈ సందర్భంగా భార్య అనుష్క శర్మతో కేక్ కట్ చేయించాడు కోహ్లీ. ఈ వేడుకకు సంబంధించిన ఫోటోలను ట్విట్టర్ ద్వారా అభిమానులతో పంచుకున్నాడు. హ్యాపీ బర్త్ డే మై లవ్. నాకు తెలిసిన వాళ్లలో అందరి కంటే ఎక్కువగా పాజిటివ్గా, నిజాయతీగా ఉండే వ్యక్తివి నీవే. లవ్ యూ అంటూ శుభాకాంక్షలు తెలియజేశాడు.
పెళ్లైన తర్వాత అనుష్క శర్మ జరుపుకుంటున్న మొదటి బర్త్ డే ఇది. ఇక అనుష్క శర్మకి పలువురు ప్రముఖులు జన్మదిన శుభాకాంక్షలు తెలియజేశారు. కోహ్లీ పోస్ట్ చేసిన బర్త్ డే ఫోటోలు సోషల్ మీడియాలో వైరల్గా మారాయి. మరోవైపు ఐపీఎల్లో కోహ్లీ ఆర్పీబికి ప్రాతినిధ్యం వహిస్తున్న సంగతి తెలిసిందే. ప్రస్తుతం ఆ జట్టు పరాజయాల బాట పట్టింది. ప్రస్తుతం పాయింట్ల పట్టికలో 7వ స్థానంలో కొనసాగుతుంది.
Happy B'day my love. The most positive and honest person I know. Love you ♥️ pic.twitter.com/WTepj5e4pe
— Virat Kohli (@imVkohli) May 1, 2018
