తెలుగు సినీ పరిశ్రమలో దర్శకుడిగా, క్రిటిక్గా సినిమా ప్రేక్షకులకు పరిచయమయ్యారు కత్తి మహేష్. బిగ్బాస్ షో చేసిన తర్వాత సెలబ్రిటీగా మారిపోయారు మహేష్. అయితే బిగ్బాస్ షో తర్వాత మహేష్ పవన్ కల్యాణ్పై విమర్శలు చేస్తూ పవన్ అభిమానుల ఆగ్రహానికి గురయ్యారు.కొన్ని రోజులుగా కత్తి మహేష్కి, పవన్ ఫ్యాన్స్కి సోషల్ మీడియాలో పెద్ద యుద్దమే జరిగింది. అయితే కొన్ని రోజుల నుంచి సైలెంట్ గా ఉన్న కత్తి మహేష్ మళ్లీ ఈ మధ్య పవన్పై విమర్శలు చేస్తూ వస్తున్నారు. అదే తరహాలో మహేష్కి పవన్ ఫ్యాన్స్ వార్నింగ్లు కూడా ఇచ్చారు.
మరోవైపు టీవీ డిబేట్స్లలో, ఫేస్బుక్, ట్విట్టర్ వంటి మాధ్యమాల ద్వారా పవన్ కల్యాణ్ను మహేష్ తీవ్రంగా విమర్శస్తూ వస్తున్నాడు. ఈ క్రమంలోనే కత్తి మహేష్ ట్విట్టర్, ఫేస్బుక్ ఖాతాలు బ్లాక్ అయ్యాయి. తన ఫేస్బుక్, ట్విట్టర్ అకౌంట్లను పవన్అభిమానులే బ్లాక్ చేయించారని కత్తిమహేష్ ఆరోపించారు. దీనికి సంబంధించిన ఓ విడియోను కూడా విడుదల చేశాడు. పవన్ ఫ్యాన్స్ కొన్ని లక్షల మంది నా ట్విట్టర్, ఫేస్బుక్లపై రిపోర్టు చేయడం వల్లే అవి బ్లాక్ అయ్యాయని ఆరోపించారు.
ఈ ట్వీటమరాయుడి ట్వీట్లకు స్పందించినా.. సిగ్గుతో త‌ల‌దించుకునే పరిస్థితుల్లో ఉన్నారు. ఏం కాటమరాయుడో, ఏం పవర్ స్టారో, ఏం పవన్ కల్యాణో నాకైతే అర్థం కావ‌డం లేదు. మరీ ఇంత భయమయితే ఎలాగయ్య . కనీసం ఎదుటివాడు నీకు వ్యతిరేకంగా మాట్లాడితేనే, నీ అభిప్రాయాన్ని వ్యతిరేకిస్తేనే భరించలేని ఫ్యాన్స్, ఎదుర్కోలేని నువ్వు, చీ అనిపిస్తోంది. ట్విట్టర్, ఫేస్బుక్ బ్లాక్ అయినా, అవి లేకపోయినా నా మాటలు ఆగవు, నా నోరు మూతపడదని ఆ వీడియోలో మహేష్ పేర్కొన్నారు.
