బాలీవుడ్‌లో బాఘీ2 సినిమా వసూళ్ల పరంగా దూసుకెళ్తుంది. తెలుగులో సూపర్ హిట్ అయిన ‘క్షణం’ మూవీని రీమేక్గా బాలీవుడ్‌లో బాఘీ2 చిత్రాన్ని తెరకెక్కించారు. ప్రస్తుతం ఈ మూవీ వసూళ్ల పరంగా 200 కోట్ల క్లబ్ లో చేరింది. మార్చి 30న విడుదలైన ఈ చిత్రంలో టైగర్ ష్రాఫ్, దిశాపటానీ హీరో, హీరోయిన్లుగా చేశారు. ఈ చిత్రానికి జూలియస్‌ పాకియం సంగీతం అందించారు. విడుదలైన తొలి రోజు నుంచే బాక్సాఫీస్ దగ్గర కలెక్షన్ల వర్షం కురిపించింది. తొలి వారంలోనే 100 కోట్ల వసూళ్లు రాబట్టి బాక్సాఫీక్ వద్ద ప్రభంజనం సృష్టించింది.
అయితే ఓవరాల్గా ఇండియాలో 148.45 వసూళ్లు రాబట్టింది. ఓవర్సీస్ లో 41.76 కోట్లు వసూళ్లు రాబట్టి సినిమా సత్తా చూపించింది. మొత్తానికి ఈ సినిమా 200 కోట్ల రూపాయలు సాధించిందని తరణ్ ఆదర్శ్ తన్ ట్వీట్టర్ వేదికగా తెలిపారు. ఈ ఏడాది విడుదలైన చిత్రాలలో వసూళ్ల పరంగా 500 కోట్లు రాబట్టి తొలి స్థానంలో పద్మావత్ నిలవగా, 200 కోట్లు రాబట్టి రెండవ స్థానంలో నిలిచింది బాఘీ2 చిత్రం.
