ట్రెండింగ్‌లో ..భరత్ అనే నేను ఫస్ట్ సింగిల్

సూపర్‌స్టార్‌ మహేష్‌బాబు, కొరటాల శివ కాంబినేషన్‌లో శ్రీమతి డి.పార్వతి సమర్పణలో డి.వి.వి. ఎంటర్‌టైన్‌మెంట్‌ పతాకంపై స్టార్‌ ప్రొడ్యూసర్‌ దానయ్య డి.వి.వి. నిర్మిస్తున్న చిత్రం ‘భరత్‌ అనే నేను’. మహేష్ సరసన బాలీవుడ్ భామ కైరా అద్వాని హీరోయిన్‌గా నటిస్తుండగా ఏప్రిల్‌ 20న ప్రపంచవ్యాప్తంగా ఈ చిత్రాన్ని విడుదల చేసేందుకు సన్నాహాలు చేస్తున్నారు.

ఈ నేపథ్యంలో ‘శ్రీరామ నవమి’ పండుగ సందర్బంగా ఈ సినిమా నుంచి మొదటి పాటను ఈ రోజు ఉదయం 10 గంటలకు విడుదల చేశారు. ఫస్ట్ సాంగ్‌కి మంచి రెస్పాన్స్ వస్తోంది. ఇప్పటివరకు 33 లక్షల మంది ఈ పాటను చూడగా లక్షా 93 వేల మంది లైక్ చేశారు. అంతేగాదు ప్రస్తుతం ఈ సాంగ్‌ యూ ట్యూబ్‌లో నెంబర్ 1 ట్రెండింగ్‌లో ఉంది.

ఏప్రిల్ 7న వైజాగ్ లో ఆడియో వేడుకను నిర్వహించేందుకు ఏర్పాట్లు చేశారు. దేవిశ్రీ ప్రసాద్ అందించిన సంగీతం ఈ సినిమాకి ప్రత్యేక ఆకర్షణగా నిలవనుందని అంటున్నారు. ఈ సినిమాలో మహేష్ ముఖ్యమంత్రిగా నటిస్తోండగా ఇప్పటికే ఈ సినిమా నుంచి వచ్చిన పోస్టర్స్ కి .. టీజర్ కి మంచి రెస్పాన్స్ వచ్చింది. దీనికి తోడు మహేష్‌-కొరటాల కాంబినేషన్‌లో వచ్చిన శ్రీమంతుడు భారీ విజయాన్ని సొంతం చేసుకున్న సంగతి తెలిసిందే.