రాజ్యసభ ఎన్నికల్లో టీఆర్‌ఎస్‌ ఘనవిజయం

రాజ్యసభ ఎన్నికల్లో టీఆర్‌ఎస్‌ ఘనవిజయం సాధించింది. మూడింటికీ మూడు స్థానాలను టీఆర్‌ఎస్‌ కైవసం చేసుకుంది.

జోగినపల్లి సంతోష్‌ కుమార్‌ 32 ఓట్లు సాధించగా..బడుగుల లింగయ్య యాదవ్‌ 32, బండ ప్రకాశ్‌ ముదిరాజ్‌ 33 ఓట్లతో గెలుపొందారు. కాంగ్రెస్‌ పార్టీ బలరాం నాయక్‌కు 11 ఓట్లు మాత్రమే వచ్చాయి. దీంతో ఓటమిపాలయ్యారు. ఈ ఎన్నికల్లో టీఆర్‌ ఎస్‌ ఘనవిజయం సాధించడంతో గన్‌పార్క్‌ వద్ద టీఆర్‌ఎస్‌ సంబరాలు మొదలయ్యాయి. TRS అభ్యర్థుల విజయంతో పార్టీ కార్యకర్తలు భారీగా అసెంబ్లీకి చేరుకుని, గన్‌పార్క్‌ నుంచి తెలంగాణభవన్‌కు ర్యాలీ నిర్వహిస్తున్నారు.

కాగా..ఈ ఎన్నికల్లో 108 మంది ఎమ్మెల్యేలు ఓటు వేశారు. 119కి.. ఇద్దరు కాంగ్రెస్ ఎమ్మెల్యేలు అనర్హులు అయ్యారు. దీంతో ఎమ్మెల్యేల సంఖ్య 117కు తగ్గింది. వీరిలో 108 మంది ఓటు వేశారు. బీజేపీ(5), సీపీఎం (1), టీడీపీ (2) ఎన్నికలకు దూరంగా ఉన్నారు.